ຖືວ່າເປັນຂ່າວທີ່ໜ້າຍິນດີ ແລະ ເປັນຄວາມພາກພູມໃຈຂອງຊາວແຂວງສະຫວັນນະເຂດ! ເມື່ອ ນະຄອນໄກສອນ ພົມວິຫານ ໄດ້ຮັບການຢັ້ງຢືນໃຫ້ເປັນ 1 ໃນ 4 ເມືອງຂອງລາວ ທີ່ໄດ້ຮັບລາງວັນ “ເມືອງມາດຕະຖານທ່ອງທ່ຽວສະອາດອາຊຽນ” ຢ່າງເຕັມພາກພູມ. 
ເປັນຫຍັງນະຄອນໄກສອນ ພົມວິຫານ ຈຶ່ງໄດ້ຮັບລາງວັນ?
ຍ້ອນມີມາດຕະຖານທີ່ໂດດເດັ່ນໃນຫຼາຍດ້ານ:
ມີການຄຸ້ມຄອງສິ່ງແວດລ້ອມ ແລະ ການກຳຈັດສິ່ງເສດເຫຼືອທີ່ດີ.
ມີຄວາມສະອາດ, ປອດໄພ ແລະ ມີຄວາມສະຫງົບຮຽບຮ້ອຍໃນຕົວເມືອງ.
ມີພື້ນທີ່ສີຂຽວ ແລະ ພື້ນຖານໂຄງລ່າງດ້ານການທ່ອງທ່ຽວທີ່ຄົບຊຸດ.
ປະຊາຊົນມີຈິດສຳນຶກສູງໃນການຮັກສາຄວາມສະອາດ ແລະ ສຸຂະອະນາໄມ.
ມາທ່ຽວສະຫວັນນະເຂດ ຕ້ອງບໍ່ພາດ “3 ໄຫວ້, 4 ເບິ່ງ, 5 ຊົມ”
ນີ້ຄືວົງແຫວນແຫ່ງການທ່ອງທ່ຽວທີ່ເປັນເອກະລັກ:
3 ໄຫວ້ (ສິ່ງສັກສິດຄູ່ບ້ານຄູ່ເມືອງ):
– ໄຫວ້ພະທາດອິງຮັງ.
– ໄຫວ້ພະທາດໂພ່ນ.
– ໄຫວ້ຫໍໄຕປີດົກ (ບ່ອນສະສົມຄັງໃບລານ).
4 ເບິ່ງ (ຮຽນຮູ້ປະຫວັດສາດ):
– ເບິ່ງຫໍພິພິທະພັນສະຫວັນນະເຂດ.
– ເບິ່ງຫໍພິພິທະພັນໄດໂນເສົາ.
– ເບິ່ງຫໍພິພິທະພັນຮ່ວມສຳພັນສູ້ຮົບ ລາວ-ຫວຽດນາມ.
– ເບິ່ງມໍລະດົກສະຖານໜອງເຮືອທອງ.
5 ຊົມ (ຄວາມງາມທາງທຳມະຊາດ ແລະ ວັດທະນະທຳ):
– ຊົມຕົວເມືອງເກົ່າ, ໜອງຫຼົ່ນ ແລະ ປ່າສະຫງວນດົງນາຕາດ.
– ຊົມຝູງລີງ, ປາຝາ ແລະ ຝາຍສຸຍຈຳພອນ.
– ຊົມໂອງ-ມັ້ງ, ນົກຍາງຂາວ ແລະ ແຫຼ່ງຂຸດຄົ້ນໄດໂນເສົາຊົນນະບູລີ.
– ຊົມເຮືອນຫີນໄຊພູທອງ, ເມືອງບູຮານສີສະເກດ ແລະ ດອນຫີນດ້າງ.
– ຊົມພະທາດນາງຂາວ, ພະເຈົ້າອົງແສນ ແລະ ນໍ້າເກົ້າແຄ ວິລະບູລີ.
ສິລະປະທີ່ເປັນເອກະລັກ: ແຂວງສະຫວັນນະເຂດ ຍັງໄດ້ສ້າງສັນບົດເພງກອນລຳ 4 ຈັງຫວະ (ລຳບ້ານຊອກ, ລຳຄອນສະຫວັນ, ລຳຕັ້ງຫວາຍ ແລະ ລຳຜູ້ໄທ) ເພື່ອສ້າງສີສັນ ແລະ ເອກະລັກໃນການຕ້ອນຮັບນັກທ່ອງທ່ຽວ.
ລາງວັນນີ້ຈະຊ່ວຍຍົກລະດັບມາດຕະຖານການບໍລິການທ່ອງທ່ຽວໃນລາວໃຫ້ດີຂຶ້ນ, ສ້າງຄວາມໝັ້ນໃຈໃຫ້ນັກທ່ອງທ່ຽວ ແລະ ເປັນໂອກາດດີໃຫ້ແກ່ຜູ້ປະກອບການໃນການສົ່ງເສີມການຕະຫຼາດ ເພື່ອດຶງດູດນັກທ່ອງທ່ຽວໃຫ້ເຂົ້າມາຫຼາຍຂຶ້ນໃນອະນາຄົດ.
ທີ່ມາ: ປະເທດລາວ
