ຄວາມແຕກຕ່າງໃນວິທີການສົ່ງຂໍ້ຄວາມສຽງຫົວຂອງຄົນແຕ່ລະຮຸ່ນ

ເຄີຍສັງເກດບໍ່ວ່າ… ເວລາທີ່ເຮົາສົ່ງຂໍ້ຄວາມຕອບໂຕ້ກັນໃນແຊັດ ເວົ້້າເລື່ອງຕະຫຼົກ ຫຼື ເລື່ອງມ່ວນໆ ຄົນແຕ່ຮຸ່ນຄົນ ມັກມີ “ວິທີສະແດງອາລົມຕະຫຼົກ” ທີ່ແຕກຕ່າງກັນແບບ 180 ອົງສາ? ບາງຄົນພິມ “ຮາຮາຮາ”, ບາງຄົນໃຊ້ “55555” ແຕ່ສຳລັບເດັກຮຸ່ນໃໝ່… ພວກເຂົາກັບພິມຕົວເລກມົ່ວໆ ຍາວເປັນກິໂລແມັດ ມັນໝາຍຄວາມວ່າແນວໃດ? ມື້ນີ້ເເອັດມີຄຳຕອບຈາກການສຶກສາລະດັບສາກົນມາເລົ່າໃຫ້ຟັງ.

1. Gen X: “ຮາຮາຮາ” (Hahaha) ຫົວແບບຄລາສສິກ ສຸພາບ ແລະ ເປັນທາງການ

• ລັກສະນະການສະແດງອອກ: ສຳລັບຜູ້ໃຫຍ່ ຫຼື ຄົນຮຸ່ນ Gen X ເວລາພວກເຂົາພິມຄຳວ່າ “ຮາຮາຮາ” ຫຼື “Ha-ha-ha” ມັນແມ່ນການຫົວແບບກົງໄປກົງມາ, ສຸພາບ ແລະ ງ່າຍຕໍ່ການເຂົ້າໃຈ.

• ມຸມມອງທາງສັງຄົມ: ວາລະສານສາກົນວິເຄາະວ່າ ຄົນຮຸ່ນນີ້ມັກຄວາມຊັດເຈນ ບໍ່ມັກຄວາມຊັບຊ້ອນ ແລະ ການໃຊ້ “ຮາຮາຮາ” ມັນຊ່ວຍສື່ສານຄວາມຮູ້ສຶກເປັນມິດແບບເປັນຜູ້ໃຫຍ່ທີ່ສຸດ.

2. Gen Y (Millennials): “55555” ຕຳນານແຫ່ງຄວາມຮາ ແລະ ຄວາມສະບາຍໆ

• ລັກສະນະການສະແດງອອກ: ມາຮອດຄົນຮຸ່ນ Gen Y (ລວມທັງຄົນລາວເຮົາ) ມັກໃຊ້ເລກ “555” (ສຳລັບສາກົນອາດໃຊ້ “Lol” ແຕ່ໃນວັດທະນະທຳອາຊີ ໂດຍສະເພາະໄທ-ລາວ ເລກ 5 ອ່ານວ່າ “ຫ້າ” ເຊິ່ງອອກສຽງຄ້າຍຄືສຽງຫົວ). ການພິມ “5555555” ຍາວໆ ຍິ່ງໝາຍຄວາມວ່າຫົວແຮງຫຼາຍ.

• ມຸມມອງທາງສັງຄົມ: ມັນຄືສັນຍະລັກຂອງຄວາມເປັນກັນເອງ, ຄວາມມ່ວນຊື່ນ ແລະ ການເຊື່ອມຕໍ່ສັງຄົມແບບໄວກ່ອນຍຸກໂຊຊຽວເຕັມຕົວ. ແຕ່ບາງຄັ້ງ… ໄວໜຸ່ມຮຸ່ນໃໝ່ກໍຢອກກັນວ່າ ການໃຊ້ “555” ມັນເລີ່ມ “ຫຼ້າສະໄໝ” ແລ້ວ.

3. Gen Z: ລະຫັດລັບຕົວເລກມົ່ວໆ ຍາວໆ ເຊັ່ນ: “556794307733455”

• ລັກສະນະການສະແດງອອກ: ນີ້ຄືຄວາມຕະຫຼົກທີ່ສຸດ ເດັກ Gen Z ມັກພິມຕົວເລກມົ່ວໆ ຍາວໆ ທີ່ບໍ່ມີຄວາມໝາຍທາງເລກຄະນິດສາດ ເຊັ່ນ: 556794307733455 ເພື່ອເປັນຕົວແທນຂອງ “ສຽງຫົວຈົນສະຕິຫຼຸດ” ຫຼື ຫົວຈົນໜ້າຕາບິດເບືອນ.

• ມຸມມອງທາງສັງຄົມ: The Wall Street Journal ແລະ The Atlantic ລະບຸວ່າ ພຶດຕິກຳນີ້ເກີດຈາກຄວາມຕັ້ງໃຈທີ່ຈະ “ປະຕິເສດຄວາມຈຳເຈ”. ພວກເຂົາບໍ່ມັກຫົວແບບທຳມະດາຊ້ຳຄົນອື່ນ ການພິມຕົວເລກມົ່ວໆ ມັນສະແດງເຖິງຄວາມຕາຫຼົກແບບຕະຫຼົກຂັ້ນສຸດ ແລະ ຄວາມເປັນກຸ່ມສະເພາະຕົວ ຂອງຄົນຮຸ່ນໃໝ່ນັ້ນເອງ.

ສະຫຼຸບທ້າຍ:

ບໍ່ວ່າເຈົ້າຈະເປັນ Gen ໃດ ແລະ ມັກຫົວແບບ “ຮາຮາຮາ”, “55555” ຫຼື “ລະຫັດຕົວເລກມົ່ວໆ” ສິ່ງສຳຄັນທີ່ສຸດກໍຄື… ສຽງຫົວ ແລະ ຮອຍຍິ້ມທີ່ສົ່ງໃຫ້ກັນ ເປັນພາສາສາກົນທີ່ຊ່ວຍເຊື່ອມໂຍງຄວາມສໍາພັນຂອງມະນຸດເຮົາໃຫ້ໃກ້ຊິດກັນຂຶ້ນສະເໝີ.

ແລ້ວເຈົ້າເດ… ເວລາແຊັດມັກໃຊ້ແບບໃດ? ມາສາລະພາບກັນແນ່ເດີ.

ແຫຼ່ງອ້າງອີງ: The Wall Street Journal

Related Articles

0FansLike
87,400FollowersFollow
0SubscribersSubscribe
- Advertisement -spot_img

Latest Articles