ບໍລິສັດ ເທັກໂນໂລຊີ ລະດັບໂລກຢ່າງ Google ຫັນມາຈັບທຸລະກິດ “ລ້ຽງຍຸງ” Google ໄດ້ກະກຽມປ່ອຍຍຸງໂຕຜູ້ຫຼາຍເຖິງ 32 ລ້ານໂຕ ໃນເຂດລັດແຄລິຟໍເນຍ ແລະ ຟລໍຣິດາ ປະເທດສະຫະລັດອາເມຣິກາ ເພື່ອແກ້ໄຂບັນຫາສາທາລະນະສຸກຢ່າງຍືນຍົງ.
ກົນໄກ “ຍຸງໂຕຜູ້” ຊ່ວຍຫຼຸດປະຊາກອນຍຸງໄດ້ແນວໃດ?
• ເຮັດໃຫ້ຍຸງໂຕເມຍເປັນໝັນ: ຍຸງໂຕຜູ້ທີ່ຖືກປ່ອຍອອກໄປຈະໄປປະສົມພັນກັບຍຸງໂຕເມຍຕາມທໍາມະຊາດ (ເຊິ່ງເປັນພາຫະນະນໍາພະຍາດ. ດ້ວຍກໍາມະພັນທີ່ຖືກຕົບແຕ່ງ, ຈະເຮັດໃຫ້ໄຂ່ຂອງຍຸງໂຕເມຍ “ບໍ່ຟັກໂຕເປັນໂຕ” ສົ່ງຜົນໃຫ້ປະຊາກອນຍຸງລາຍຫຼຸດລົງຢ່າງໄວວາ.
• ບໍ່ກັດຄົນ 100%: ຫຼາຍຄົນອາດຈະກັງວົນວ່າປ່ອຍຍຸງມາຫຼາຍຂະໜາດນີ້ຈະບໍ່ຖືກກັດຕື່ມບໍ? ຄໍາຕອບຄື: “ຍຸງໂຕຜູ້ບໍ່ກັດຄົນ ແລະ ບໍ່ເປັນພາຫະນະນໍາພະຍາດໃດໆ” ເພາະພວກມັນກິນພຽງນ້ຳຫວານຈາກດອກໄມ້ເທົ່ານັ້ນ.
Google ກ່ຽວຂ້ອງກັບໂຄງການນີ້ແນວໃດ?
ໂຄງການນີ້ບໍ່ໄດ້ກ່ຽວກັບລະບົບ Google Search ແຕ່ມັນຄື “ໂຄງການ Debug” ເຊິ່ງເລີ່ມຕົ້ນຈາກທີມງານວິທະຍາສາດຊີວະພາບຂອງ Google (ພາຍໃຕ້ບໍລິສັດ Verily Life Sciences).
Google ໄດ້ນໍາເອົາຄວາມຊໍານານດ້ານເທັກໂນໂລຊີ ຂັ້ນສູງເຊັ່ນ:
1. ລະບົບອັດໂຕໂນມັດ: ເຂົ້າມາຊ່ວຍໃນຂະບວນການເພາະລ້ຽງຍຸງ.
2. ເຊັນເຊີ ແລະ AI: ຊ່ວຍຄັດແຍກລະຫວ່າງ “ຍຸງໂຕຜູ້” ແລະ “ຍຸງໂຕເມຍ” ຢ່າງແນ່ນອນ.
3. ການວິເຄາະຂໍ້ມູນ: ເຮັດໃຫ້ການປ່ອຍຍຸງຈໍານວນມະຫາສານເປັນໄປຢ່າງວ່ອງໄວ, ຖືກຕ້ອງ ແລະ ແນ່ນອນທີ່ສຸດ.
ສະຫຼຸບ:
ນີ້ຄືການນໍາໃຊ້ເທັກໂນໂລຊີ AI ແລະ ວິທະຍາສາດຊີວະພາບມາປະສານກັນ ເພື່ອແກ້ໄຂບັນຫານໍາພະຍາດຈາກຍຸງ (ເຊັ່ນ: ໄຂ້ເລືອດອອກ, ພະຍາດຊິກາ) ໂດຍບໍ່ຕ້ອງໃຊ້ສານເຄມີທີ່ເປັນອັນຕະລາຍຕໍ່ສິ່ງແວດລ້ອມ. ເປັນອີກໜຶ່ງນະວັດຕະກໍາທີ່ໜ້າຈັບຕາເບິ່ງຫຼາຍ.
ແຫຼ່ງອ້າງອີງຂໍ້ມູນ: The Guardian, Official Debug Project Website (Alphabet / Verily)
