ຂໍແນະນຳໃຫ້ຮູ້ຈັກກັບ Danionella cerebrum ປານ້ອຍມະຫັດສະຈັນທີ່ມີຂະໜາດພຽງ 12 ມິນລິແມັດ (ປະມານເທົ່າກັບເລັບມືຂອງທ່ານ) ແຕ່ມັນສາມາດສ້າງສຽງດັງໄດ້ເຖິງ 140 ເດຊີເບລ ເຊິ່ງດັງກວ່າສຽງຮ້ອງຂອງຊ້າງ ແລະ ທຽບເທົ່າກັບສຽງເຈາະຫີນ ຫຼື ດອກໄມ້ໄຟທີ່ຢູ່ໃກ້ໆ.
ເຈົ້າຄິດວ່າປານ້ອຍໆແບບນີ້ສ້າງສຽງດັງຂະໜາດນັ້ນໄດ້ແນວໃດ? ນັກວິທະຍາສາດໄດ້ຄົ້ນພົບວ່າເຈົ້າປານ້ອຍໂຕນີ້ມີ “ກະດູກອ່ອນສຳລັບຕີກອງ” ແລະ “ກ້າມຊີ້ນພິເສດ” ທີ່ໃຊ້ໃນການຕີກັບ “ຖົງລົມ” ຂອງມັນຢ່າງໄວວາ. ການກະທຳແບບນີ້ເຮັດໃຫ້ເກີດຄື້ນສຽງທີ່ແຮງຫຼາຍ ເຊິ່ງເຊື່ອກັນວ່າໃຊ້ສຳລັບການສື່ສານກັນໃນຝູງ.
ການຄົ້ນພົບນີ້ເຮັດໃຫ້ນັກວິທະຍາສາດຕື່ນເຕັ້ນຫຼາຍ ເພາະມັນສະແດງໃຫ້ເຫັນເຖິງຄວາມສາມາດອັນບໍ່ໜ້າເຊື່ອຂອງສິ່ງມີຊີວິດຂະໜາດນ້ອຍ ແລະ ອາດຈະຊ່ວຍໃຫ້ເຮົາເຂົ້າໃຈວິວັດທະນາການຂອງການສື່ສານດ້ວຍສຽງໃນສັດນໍ້າໄດ້ດີຂຶ້ນ.
ຄິດເບິ່ງວ່າ ໂລກໃຕ້ນໍ້າອາດຈະບໍ່ໄດ້ງຽບສະຫງົບຢ່າງທີ່ເຮົາຄິດ, ປານ້ອຍໂຕນີ້ອາດຈະເປັນນັກດົນຕີຣັອກສະຕາຂອງໂລກໃຕ້ນໍ້າກໍເປັນໄດ້.
ທີ່ມາ: The Guardian
