ກົມອຸຕຸນິຍົມ ແລະ ອຸທົກກະສາດ, ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ໄດ້ອອກແຈ້ງເຕືອນ ສະບັບເລກທີ 0748/ກອຕທ, ລົງວັນທີ 18 ສິງຫາ 2026 ໃຫ້ປະຊາຊົນກຽມພ້ອມຮັບມືກັບຝົນຕົກໜັກ ແລະ ລົມພັດແຮງ ໃນລະຫວ່າງວັນທີ 18 ຫາ 19 ສິງຫາ 2026 ນີ້
ເນື່ອງຈາກຮ່ອງຄວາມກົດດັນອາກາດຕໍ່າຍັງສືບຕໍ່ພາດຜ່ານຢູ່ເຂດພາກເໜືອ ລົງຫາ ພາກກາງ ຂອງປະເທດລາວ, ສົມທົບກັບລົມມໍລະສຸມຕາເວັນຕົກສ່ຽງໃຕ້ຍັງມີກໍາລັງແຮງປານກາງພັດປົກຄຸມເປັນສ່ວນໃຫຍ່, ຊຶ່ງຈະເຮັດໃຫ້ມີຝົນຕົກ ຟ້າຮ້ອງ ຟ້າເຫຼື້ອມໃນລະດັບຄ່ອຍ ຫາ ປານກາງຢູ່ທົ່ວໄປ ແລະ ຈະມີຝົນຕົກໜັກ ພ້ອມຈະມີລົມພັດແຮງຢູ່ບາງທ້ອງຖິ່ນແຂວງພາກກາງ ລົງຫາ ພາກໃຕ້.
ເຂດເຕືອນໄພສີເຫຼືອງ (ຝົນຕົກປານກາງ ຫາ ຕົກໜັກ):
ແຂວງ ຜົ້ງສາລີ: ເມືອງ ໃໝ່, ເມືອງ ຜົ້ງສາລີ, ເມືອງ ສຳພັນ ແລະ ເມືອງ ຂວາ
ແຂວງ ຫົວພັນ: ເມືອງ ຫົວເມືອງ ແລະ ເມືອງ ກວັນ.
ແຂວງ ຫຼວງພະບາງ: ເມືອງ ຊຽງເງິນ, ເມືອງ ນານ ແລະ ນະຄອນຫຼວງພະບາງ.
ແຂວງ ອຸດົມໄຊ: ເມືອງ ປາກແບ່ງ ແລະ ເມືອງ ງາ.
ແຂວງ ໄຊສົມບູນ: ເມືອງ ລອງຊານ ແລະ ເມືອງ ລອງແຈ້ງ.
ແຂວງໄຊຍະບູລີ: ເມືອງ ປາກລາຍ, ເມືອງ ຫົງສາ, ເມືອງ ໄຊຍະບູລີ ແລະ ເມືອງ ຊຽງຮ່ອນ.
ແຂວງອັດຕະປື: ເມືອງ ພູວົງ, ເມືອງ ຊານໄຊ ແລະ ເມືອງ ສະໜາມໄຊ
ເຂດເຕືອນໄພສີແດງ (ຝົນຕົກໜັກຫຼາຍ ແລະ ລົມພັດແຮງ):
ແຂວງ ບໍລິຄຳໄຊ: ເມືອງ ປາກກະດິງ, ເມືອງ ຄຳເກີດ ແລະ ເມືອງ ວຽງທອງ.
ແຂວງ ຄຳມ່ວນ: ເມືອງ ທ່າແຂກ, ເມືອງ ບົວລະພາ, ເມືອງ ຫີນບູນ, ເມືອງ ນາກາຍ, ເມືອງ ຍົມມະລາດ, ເມືອງ ຄຸນຄໍາ, ເມືອງ ມະຫາໄຊ, ເມືອງ ເຊບັ້ງໄຟ ແລະ ເມືອງ ໄຊບົວທອງ.
ແຂວງ ສະຫວັນນະເຂດ: ເມືອງ ພິນ, ເມືອງ ນອງ, ເມືອງ ວິລະບູລີ ແລະ ເມືອງ ຊົນ ນະບູລີ.
ດັ່ງນັ້ນ, ຈຶ່ງແຈ້ງເຕືອນເຖິງປະຊາຊົນບັນດາເຜົ່າ, ອາໍນາດການປົກຄອງທ້ອງຖິ່ນ ແລະ ອົງການຈັດຕັ້ງທຸກພາກສ່ວນ ໃນເຂດພື້ນທີ່ທີ່ໄດ້ກ່າວມາຂ້າງເທິງນີ້ ຈົ່ງມີສະຕິເຝົ້າລະວັງຢ່າງໃກ້ຊິດ ຕໍ່ກັບສະພາບຝົນຕົກໜັກ, ລົມພັດແຮງ, ຟ້າຜ່າ, ນ້ຳຖ້ວມຊຸ, ນ້ຳຖ້ວມອັ່ງ ແລະ ດິນເຈື່ອນ ທີ່ອາດຈະເກີດຂຶ້ນ
ພ້ອມດຽວກັນນີ້, ຂໍໃຫ້ຕິດຕາມຂ່າວຈາກກົມອຸຕຸນິຍົມ ແລະ ອຸທົກກະສາດ ຢ່າງຕໍ່ເນື່ອງ
