ເນັດມືຖືລາວແຮງຂຶ້ນ! ຄວາມໄວສະເລ່ຍທະລຸ 73 Mbps ຂຶ້ນມາຢູ່ອັນດັບ 83 ຂອງໂລກ ຈາກຜົນການຈັດອັນດັບລ້າສຸດຂອງ Speedtest Global Index (ໂດຍ Ookla) ເວັບໄຊວັດຄວາມໄວອິນເຕີເນັດລະດັບໂລກ, ໄດ້ເປີດເຜີຍຂໍ້ມູນຄວາມໄວອິນເຕີເນັດເທິງມືຖື (Mobile Internet) ທົ່ວໂລກ ໃນເດືອນ ມິຖຸນາ 2026.
ສໍາລັບ ສປປ ລາວ ເຮົາ, ຖືວ່າ ມີພັດທະນາການທີ່ດີຂຶ້ນຢ່າງຕໍ່ເນື່ອງ! ໂດຍຄວາມໄວອິນເຕີເນັດມືຖືສະເລ່ຍ (Median Speed) ຢູ່ລາວ ໄດ້ເພີ່ມຂຶ້ນມາຢູ່ທີ່ 73.13 Mbps ເຊິ່ງເຮັດໃຫ້ອັນດັບຂອງລາວ ໄຕ່ຂຶ້ນມາຢູ່ ອັນດັບທີ 83 ຂອງໂລກ (ຂຶ້ນມາ 4 ອັນດັບ).
ເບິ່ງຕົວເລກຄວາມໄວອິນເຕີເນັດມືຖືຢູ່ລາວ (Speedtest Data)
ຄວາມໄວດາວໂຫຼດ (Download Speed): 73.13 Mbps
ຄວາມໄວອັບໂຫຼດ (Upload Speed): 18.83 Mbps ຄ່າຄວາມໜ່ວງ (Latency): 28 ms
ທຽບໃສ່ປະເທດໃນອາຊຽນ (ASEAN Mobile Internet Ranking)ເມື່ອມາເບິ່ງຕາຕະລາງປຽບທຽບຄວາມໄວອິນເຕີເນັດມືຖືໃນກຸ່ມປະເທດອາຊຽນ, ບຣູໄນ ແລະ ຫວຽດນາມ ຍັງຄອງແຊັມຄວາມໄວສູງສຸດໃນຮອບນີ້:
ບຣູໄນ (Brunei)335.2852
ຫວຽດນາມ (Vietnam)270.33123
ສິງກະໂປ (Singapore)240.26204
ມາເລເຊຍ (Malaysia)201.60345
ກໍາປູເຈຍ (Cambodia)176.32426
ໄທ (Thailand)173.28437
ຟີລິບປິນ (Philippines)96.84788
ອິນໂດເນເຊຍ (Indonesia)78.92819
ລາວ (Laos)73.1383
ໝາຍເຫດ: ປະເທດອັນດັບ 1 ຂອງໂລກ ໃນປະຈຸບັນແມ່ນ ສະຫະລັດອາຣັບເອມິເລດ (UAE) ດ້ວຍຄວາມໄວສູງເຖິງ 760.93 Mbps)
ຄວາມໄວ 73 Mbps ເຮັດຫຍັງໄດ້ແດ່? ພໍໃຊ້ ຫຼື ບໍ່? ຄວາມໄວດາວໂຫຼດ 73.13 Mbps ຖືວ່າ ພຽງພໍ ແລະ ລື່ນໄຫຼຫຼາຍ ສຳລັບການໃຊ້ງານໃນຊີວິດປະຈຳວັນຂອງຄົນລາວຍຸກນີ້:
ເບິ່ງວິດີໂອ 4K / HD: ສາມາດເບິ່ງ YouTube, Netflix, TikTok ໄດ້ແບບບໍ່ມີສະດຸດ ຫຼື ບໍ່ຕ້ອງລໍຖ້າໂຫລດ (Buffering).
ຫຼິ້ນເກມອອນລາຍ: ຄ່າ Latency 28 ms ຖືວ່າຢູ່ໃນເກນທີ່ດີ, ເຮັດໃຫ້ການຫຼິ້ນເກມມືຖືອອນລາຍ (ເຊັ່ນ: RoV, Free Fire, PUBG) ມີຄວາມສະຖຽນພໍສົມຄວນ.
Live Stream & Video Call: ອັບໂຫຼດ 18.83 Mbps ພຽງພໍສຳລັບການໄລຟ໌ສົດຂາຍເຄື່ອງ ຫຼື ປະຊຸມອອນລາຍ Zoom/Teams ໄດ້ຢ່າງສະດວກ.
ການທີ່ຄວາມໄວອິນເຕີເນັດມືຖືຢູ່ລາວ ໄຕ່ອັນດັບຂຶ້ນມາຢູ່ອັນດັບທີ 83 ແມ່ນຜົນມາຈາກການຂະຫຍາຍໂຄງລ່າງພື້ນຖານໂທລະຄົມມະນາຄົມ, ໂດຍສະເພາະການຂະຫຍາຍສັນຍານ 4G ໃຫ້ກວມເອົາທົ່ວປະເທດ ແລະ ການເລີ່ມຕົ້ນຂະຫຍາຍໂຄງຂ່າຍ 5G ຂອງບັນດາຄ່າຍໂທລະສັບໃນລາວ (ເຊັ່ນ: Unitel, Lao Telecom, TPLUS, ETL) ເປັນຕົ້ນ.
