ບອກໄດ້ເລີຍວ່າຈັດເຕັມທັງ ແສງ, ສີ, ສຽງ ແລະ ການສະແດງວັດທະນະທຳອັນເປັນເອກະລັກຂອງເມັກຊິກ! ພ້ອມໄຮໄລ້ສຸດພິເສດກັບການສະແດງຂອງ ຊາກີຣາ (Shakira) ເຈົ້າຂອງຕຳນານເພງຮິດ “Waka Waka” ໃນປີ 2010 ທີ່ຫາກໍສ້າງສະຖິຕິຍອດສະຕຣີມ ເທິງ Spotify ທະລຸ 1 ພັນລ້ານຄັ້ງ ແລະ ບູຣ໌ນາ ບອຍ (Burna Boy) ທີ່ມາຮ່ວມສ້າງຄວາມມ່ວນໃນເພງ “Dai Dai” ເພງປະຈຳການແຂ່ງຂັນບານໂລກ 2026 ຢ່າງສະໜຸກສະໜານ
ສຳລັບສະໜາມ ເອສຕາດິໂອ ອັສເຕກາ (Estadio Azteca) ຖືເປັນສັງວຽນແຂ່ງຂັນລະດັບຕຳນານ ທີ່ຖືກຈາລຶກໃນປະຫວັດສາດບານໂລກ ເພາະເປັນສະໜາມດຽວທີ່ເຄີຍເປັນເຈົ້າພາບຈັດການແຂ່ງຂັນບານໂລກມາແລ້ວເຖິງ 3 ສະໄໝ ຄື:
ປີ 1970
ປີ 1986
ປີ 2026 (ຄັ້ງລ້າສຸດ)
ໃນປີ 1970 ສະໜາມແຫ່ງນີ້ຄືສະຖານທີ່ແຫ່ງຄວາມຊົງຈຳ ທີ່ລາຊາບານໂລກຜູ້ລ່ວງລັບຢ່າງ “ເປເລ” (Pelé) ໄດ້ຊູຖ້ວຍແຊ້ມໂລກ ຫຼັງຈາກພາທີມຊາດບຣາຊິນຄວ້າແຊ້ມໂລກສະໄໝທີ 3 ໄດ້ສຳເລັດ
Lao Youth Radio FM90MHz
Photo: Fifa World cup, B/R Football
