ນັກກິລາແລ່ນລານ ຊາວໄທ ທ້າວ ພູຣິພົນ ບຸນສັນ ໄວ 19 ປີ ສ້າງປະຫວັດສາດໜ້າໃໝ່ໃນອາຊຽນ ແລະ ອາຊີ ໂດຍສະເພາະໃນງານມະຫະກຳກິລາຊີເກມ ຄັ້ງທີ 33 ທີ່ປະເທດໄທເປັນເຈົ້າພາບ.
ເຊິ່ງ ນັກກິລາແລ່ນລານ ທີມຊາດໄທ ໄດ້ແລ່ນເຂົ້າເສັ້ນໄຊ 100 ແມັດຊາຍ ໃນຮອບຄັດເລືອກ ຊີເກມ 2025 ດ້ວຍເວລາ 9.94 ວິນາທີ, ເຊິ່ງຖືເປັນສະຖິຕິທີ່ຕ່ຳກວ່າ 10 ວິນາທີ, ກ່ອນທີ່ຈະຄວ້າຫຼຽນຄໍາໃນຮອບຊີງຊະນະເລີດ ດ້ວຍເວລາ 10.00 ວິນາທີ ເມື່ອວັນພະຫັດ ທີ 11 ທັນວາ 2025 ທີ່ຜ່ານມາ.
ຫຼ້າສຸດ, ສະຫະພັນກິລາໂລກ (World Athletics) ໄດ້ທຳການຮັບຮອງສະຖິຕິຂອງນັກແລ່ນໄທ ໄວ 19 ປີ ຄົນນີ້ແລ້ວ, ສະຖິຕິດັ່ງກ່າວເປັນສະຖິຕິທີ່ດີສຸດຂອງ ພູຣິພົນ ແລະ ເປັນສະຖິຕິໃໝ່ຂອງທະວີບອາຊີ ໃນຮຸ່ນອາຍຸ 20 ປີ.
ຈາກສະຖິຕິດັ່ງກ່າວ, ເຮັດໃຫ້ “ບິວ” ກ້າວຂຶ້ນເປັນ ນັກແລ່ນທີ່ໄວທີ່ສຸດອັນດັບ 5 ຂອງໂລກ ໃນຮຸ່ນອາຍຸ 20 ປີ, ລວມທັງເປັນ ນັກແລ່ນທີ່ໄວທີ່ສຸດອັນດັບ 3 ຕະຫຼອດການຂອງທະວີບອາຊີ, ເປັນຮອງພຽງ:
– ຊູ ປິງ ທຽນ ນັກແລ່ນຈາກຈີນ ເຄີຍເຮັດໄວ້ທີ່ 9.83 ວິນາທີ ໃນໂອແລມປິກ ປີ 2021.
– ເຟມີ ໂອກູໂນເດ ຈາກກາຕາ 9.91 ວິນາທີ ທີ່ເຮັດໄວ້ໃນກິລາຊີງແຊ້ມອາຊີ 2015 ທີ່ປະເທດຈີນ.
ນອກຈາກນີ້, ຍັງຖືເປັນແຊ້ມສະໄໝທີ 2 ຂອງລາວ ໃນລາຍການຊີເກມ ຫຼັງຈາກທີ່ເຄີຍເຮັດໄດ້ໃນປີ 2021.
ທີ່ມາ: ໂທລະພາບ PPTV 36
