“ລາບ” ແມ່ນອາຫານຢ່າງໜຶ່ງ ທີ່ເຮັດດ້ວຍຊີ້ນ ຫຼື ປາ ທີ່ນຳມາຟັກໃຫ້ແຫຼກແລ້ວໃສ່ເຂົ້າຂົ້ວເຄື່ອງຫອມ, ປາແດກ, ແປ້ງນົວ ຖ້າໃຊ້ຊີ້ນເປັນຫຼັກ ເອີ້ນ ລາບຊີ້ນ; ໃຊ້ປາເປັນຫຼັກ ເອີ້ນລາບປາ ເຊັ່ນ: ລາບຊີ້ນຄວາຍ, ລາບຊີ້ນໝູ, ລາບປາຕອງ ແລະ ອື່ນໆ ສ່ວນລົດຊາດປຸງຕາມມັກ.
ສ່ວນ “ກ້ອຍ” ກໍ່ແມ່ນອາຫານຊະນິດທີ່ໃຊ້ຊີ້ນຫຼື ປານຳມາຊອຍໃຫ້ມຸ່ນ ແລ້ວນຳເອົາຜັກຫອມ ແລະ ເຄື່ອງປຸງຫຼາຍຢ່າງທັງນໍ້າປາແດກມາປະສົມໃສ່ພາໃຫ້ແຊບ. ກ້ອຍມີຫຼາຍແນວ ເຊັ່ນ: ກ້ອຍປາ, ກ້ອຍຊີ້ນ, ກ້ອຍກຸ້ງ ແລະ ອື່ນໆ.
ເພີ່ນແຍກ ລາບ ແລະ ກ້ອຍ ທີ່ຂະບວນການກຽມຊີ້ນ ປາ ຫຼື ພືດບາງຊະນິດທີ່ນຳມາເຮັດລາບ ຫຼື ກ້ອຍໄດ້…ບໍ່ໄດ້ແຍກກັນທີ່ລົດຊາດ ເຄື່ອງປຸງ ຫຼື ຜັກເຄື່ອງຫອມທີ່ໃສ່…
ລາບ ບໍ່ແມ່ນພຽງແຕ່ອາຫານ, ແຕ່ແມ່ນສັນຍາລັກແຫ່ງ “ໂຊກລາບ” ແລະ ຄວາມສາມັກຄີຂອງຄົນລາວ. ລາບລາວ ໄດ້ຖືກສະເໜີຕໍ່ UNESCO ເພື່ອຂຶ້ນທະບຽນເປັນມໍລະດົກວັດທະນະທຳຂອງມວນມະນຸດ
ສະນັ້ນ, ທຸກຄັ້ງທີ່ທ່ານກິນລາບ ຫື ເຮັດລາວ ຢ່າລືມໂພສຮູບລາບ, ບໍ່ວ່າຈະແຕ່ງກິນເອງຢູ່ເຮືອນ, ກິນຢູ່ຮ້ານ ຫຼື ກິນນຳກັນກັບຄອບຄົວ, ກະລຸນາໃສ່ແຮັດແທັກ #ລາບລາວ#LarbLaos ເພື່ອໃຫ້ທົ່ວໂລກໄດ້ເຫັນລາບລາວຂອງພວກເຮົາ.


