ສໍາລັບຄົນລາວ ແລະ ອີກຫຼາຍປະເທດໃນທະວີບອາຊີ “ການນັ່ງຢ່ອງຢໍ້” ຖືເປັນທ່ານັ່ງທຳມະຊາດໃນຊີວິດປະຈຳວັນທີ່ເຫັນໄດ້ທົ່ວໄປ ບໍ່ວ່າຈະເປັນການນັ່ງລົມກັນ, ນັ່ງລໍຖ້າ ຫຼື ນັ່ງກິນເຂົ້າ. ແຕ່ຮູ້ບໍ່ວ່າ? ທ່ານັ່ງທີ່ເບິ່ງຄືທຳມະດານີ້ ກັບເປັນ “ທ່າບາບ” ທີ່ຄົນຕາເວັນຕົກ ແລະ ອີກຫຼາຍຄົນທົ່ວໂລກເຮັດບໍ່ໄດ້ ແລະ ນັ່ງບໍ່ເປັນເລີຍ.
ຫຼ້າສຸດ ງານວິໄຈທາງວິທະຍາສາດໄດ້ເປີດເຜີຍວ່າ ທ່ານັ່ງຢ່ອງຢໍ້ແບບອາຊີ (Asian Squat) ນີ້ ຄືສິດທິປະໂຫຍດອັນໂດດເດັ່ນ ທີ່ຊ່ວຍເພີ່ມຄວາມແຂງແຮງໃຫ້ແກ່ຮ່າງກາຍ ແລະ ກ້າມຊີ້ນໄດ້ດີບໍ່ຕ່າງຫຍັງກັບການເຂົ້າຢິມ (Gym) ເລີຍ �
ແບບໃດທີ່ເອີ້ນວ່າ “ນັ່ງຢ່ອງຢໍ້ແບບອາຊີ” ທີ່ຖືກຕ້ອງ?
ການນັ່ງຢ່ອງຢໍ້ທີ່ແທ້ຈິງ ແລະ ໄດ້ປະໂຫຍດສູງສຸດນັ້ນ:
1. ຝາຕີນທັງສອງຂ້າງຕ້ອງແນບສະໜິດຕິດກັບພື້ນ.
2. ກົ້ນ ຕ້ອງຢູ່ຕ່ຳກວ່າລະດັບຫົວເຂົ່າ.
3. ສົ້ນຕີນຫ້າມລອຍຂຶ້ນເດັດຂາດ.
ເຊິ່ງສິ່ງນີ້ແຕກຕ່າງຈາກທ່າ Squat ในຟິດເນັດ ທີ່ເນັ້ນການເຄື່ອນໄຫວລຸກ-ນັ່ງຊ້ຳໆ, ແຕ່ການນັ່ງຢ່ອງຢໍ້ແມ່ນການຄ້າງໄວ້ໃນຕຳແໜ່ງພັກນິ່ງໆ ເຊິ່ງຕ້ອງອາໄສຄວາມຢືດຢຸນຂອງຂໍ້ຕີນ, ການເປີດຂອງຂໍ້ເເອວ ແລະ ຄວາມໝັ້ນຄົງຂອງກ້າມຊີ້ນແກນກາງລຳຕົວ ເພື່ອຮັກສາຄວາມສົມດຸນ.
ເປັນຫຍັງຄົນຕາເວັນຕົກຈຶ່ງ “ນັ່ງບໍ່ເປັນ”?
ງານວິໄຈຈາກປະເທດຍີ່ປຸ່ນ (ປີ 2009) ລະບຸວ່າ ອຸປະສັກທີ່ໃຫຍ່ທີ່ສຸດແມ່ນ “ຂໍ້ຕີນມີການເຄື່ອນໄຫວທີ່ຈຳກັດ” ຫາກຂໍ້ຕີນບໍ່ຢືດຢຸ່ນພໍ ຈະເຮັດໃຫ້ເສຍການຊົງຕົວ ແລະ ຫງາຍຫຼັງທັນທີ. ນອກຈາກນີ້ ການນັ່ງຕັ່ງເປັນເວລານານຕິດຕໍ່ກັນຫຼາຍປີໃນວິຖີຊີວິດສະໄໝໃໝ່ ຍັງສົ່ງຜົນໃຫ້ ເອັນຮ້ອຍຫວາຍສັ້ນລົງ ແລະ ກ້າມຊີ້ນນ່ອງຕຶງ ຈົນບໍ່ສາມາດວາງສົ້ນຕີນລາບກັບພື້ນໄດ້.
7 ປະໂຫຍດມະຫາສານ ຈາກການນັ່ງຢ່ອງຢໍ້
1. ກ້າມຊີ້ນຕົ້ນຂາ ແລະ ກົ້ນແຂງແຮງ
2. ເພີ່ມຄວາມສູງໃນການກະໂດດ
3. ຍ່າງໄດ້ໄວຂຶ້ນ
4. ຂໍ້ເຂົ່າ ແລະ ກະດູກອ່ອນດີຂຶ້ນ
5. ກ້າມຊີ້ນແກນກາງລຳຕົວແຂງແຮງ
6. ຫຼຸດອາການປວດຫຼັງ
7. ກະຕຸ້ນລະບົບເຜົາຜານ
ແຫຼ່ງຂໍ້ມູນອ້າງອີງ (Sources):
1. Journal of Physical Therapy Science
2. Journal of Medicinal and Pharmaceutical Chemistry Research
