ຫ້ອງການ ກະຊວງສຶກສາທິການ ແລະ ກິລາ ປະກາດຮັບສະໝັກສອບເສັງຄັດເລືອກບັນຈຸເຂົ້າເປັນລັດຖະກອນໃໝ່ ຂອງ ກະຊວງສຶກສາທິການ ແລະ ກິລາ ປະຈຳປີ 2026, ມີລາຍລະອຽດດັ່ງນີ້:
1. ວິຊາສະເພາະທີ່ຕ້ອງການ:
1) ສາຂາ ລັດຖະສາດ;
2) ສາຂາ ບໍລິຫານການສຶກສາ;
3) ສາຂາ ພັດທະນາຊົນນະບົດ ແລະ ຊຸມຊົນ;
4) ສາຂາ ພາສາອັງກິດ;
5) ສາຂາ ຄະນິດສາດນໍາໃຊ້;
6) ສາຂາ ການບັນຊີ;
7) ສາຂາ ການກວດສອບ;
8 ) ສາຂາ ວິທະຍາສາດຄອມພິວເຕີ;
9) ສາຂາ ICT;
10) ສາຂາ ສະຖາປັດຕະຍະກຳສາດ;
11) ສາຂາ ການກິລາ.
2. ເງື່ອນໄຂຜູ້ສະໝັກ:
1) ຄົນສັນຊາດລາວໂດຍກຳເນີດ ແລະ ມີອາຍຸ 18 – 35 ປີ;
2) ມີປະຫວັດການກຳເນີດ, ການເຄື່ອນໄຫວຂອງຕົນເອງ ແລະ ຄອບຄົວຈະແຈ້ງ;
3) ມີປະກາສະນີຍະບັດວິຊາສະເພາະຈົບປະລິນຍາຕີຂຶ້ນໄປ, ມີຄະແນນສະສົມສະເລ່ຍ (GPA) 3.00 ຂຶ້ນໄປ;
4) ບໍ່ເຄີຍຖືກສານປະຊາຊົນຕັດສິນລົງໂທດ;
5) ມີສຸຂະພາບແຂງແຮງສົມບູນດີ.
ຜູ້ທີ່ມີຄວາມສົນໃຈສາມາດພົວພັນຊື້ຄໍາຮ້ອງນໍາ ກົມຈັດຕັ້ງ, ກະຊວງສຶກສາທິການ ແລະ ກິລາໄດ້ ໃນໂມງ ວັນລັດຖະການ ສໍານັກງານກະຊວງສຶກສາທິການ ແລະ ກິລາ (ຕຶກ A1) ນັບແຕ່ວັນທີ 9-16 ພະຈິກ 2026 ເປັນຕົ້ນໄປ ແລະ ມື້ປິດຮັບຄໍາຮ້ອງ ວັນທີ 17 ພະຈິກ 2026.
ລາຍລະອຽດ
