ລົດໂດຍສານທີ່ບັນທຸກເຄື່ອງໃສ່ຫຼັງຄາຈະຖືກປັບໄໝ

​ອີງຕາມດຳລັດວ່າດ້ວຍການປັບໃໝ ແລະ​ ມາດຕະການອື່ນ ຕໍ່ຜູ້ລະເມີດກົດໝາຍ ແລະ​ ​ລະບຽບການ ກ່ຽວກັບການຈະລາຈອນທາງບົກ!​ ໃນໝວດທີ 6 ມາດຕາ 38 ການບັນທຸກຜູ້ໂດຍສານ ເກີນຈໍານວນ ໄດ້ລະບຸໄວ້ວ່າ:

​ໃນກໍລະນີ ຜູ້ຂັບຂີ່ລົດຂົນສົ່ງຜູ້ໂດຍສານ ຫາກບັນຈຸຜູ້ໂດຍສານເກີນຈໍານວນ ຈະຖືກປັບໃໝ ດັ່ງນີ້:

1. 15,​000 ກີບ ຕໍ່ຄົນ ສໍາລັບລົດຖີບ, ລົດໂມເປດທີ່ຂີ່ເກີນ ສອງຄົນ;

2. 30,​000 ກີບ ຕໍ່ຄົນ ສໍາລັບລົດຈັກ ທີ່ຂີ່ເກີນສອງຄົນ ບໍ່ລວມເດັກນ້ອຍອາຍຸບໍ່ເກີນ ສິບເອັດປີ;

3. 40,​000 ກີບ ຕໍ່ຄົນ ສໍາລັບລົດສາມລໍ້ຕິດເຄື່ອງຈັກ ທີ່ຂີ່ເກີນ​ 9​ ຄົນ;

4. 50,​000 ກີບ ສໍາລັບລົດສາມລໍ້ຕິດເຄື່ອງຈັກ ທີ່ບັນທຸກສິນຄ້າ ຫຼື ເຄື່ອງຂອງ ເກີນ 300 ກິໂລກຣາມ, 90,000 ກີບ ສໍາລົດລັບຕຸກໆທີ່ບັນທຸກສິນຄ້າ ຫຼື ເຄື່ອງຂອງ ເກີນ 500 ກິໂລກຣາມ;

5. 50,000 ກີບ ຕໍ່ຄົນ ສໍາລັບລົດສີ່ລໍ້ທຸກປະເພດ ທີ່ບັນຈຸຜູ້ໂດຍສານເກີນຕັ່ງນັ່ງທີ່ປະກອບມາຈາກໂຮງງານຜະລິດ;

6​. 50,000 ກີບ ຕໍ່ຄົນ ສໍາລັບລົດຂົນສົ່ງຜູ້ໂດຍສານສອງແຖວ ທີ່ບັນຈຸຜູ້ໂດຍສານເກິນ 14 ຄົນ ແລະ ເຄື່ອງຂອງບໍ່ເກີນ 500 ກິໂລກຣາມ. ໃນກໍລະນີທີ່ເອົາຜູ້ໂດຍສານຂຶ້ນເທິງຫຼັງຄາ ຫຼື ແຂວນທ້າຍລົດ ຜູ້ຂັບຂີ່ ຫຼື ເຈົ້າຂອງລົດທີ່ລະເມິດ ຈະຖືກປັບໃໝ ເພີ່ມອີກ 60,000 ກີບ ຕໍ່ຄົນ;

7. 50,000 ກີບ ຕໍ່ຄົນ ສໍາລັບຜູ້ທີ່ນັ່ງຂອບກະບະ;

8. 200,000 ກີບ ຕໍ່ໜຶ່ງຄັ້ງ ສໍາລັບລົດຂົນສົ່ງຜູ້ໂດຍສານທີ່ແລ່ນລະຫວ່າງ ແຂວງ ຫາ ແຂວງ ຫຼື ລະຫວ່າງປະເທດ ທີ່ບັນທຸກເຄື່ອງຜູ້ໂດຍສານໃສ່ຫຼັງຄາລົດ.