ໃນວັນທີ 16 ກຸມພາທີ່ຜ່ານມາ, ພະນະທ່ານ ໂອຕະກະ ມະຊະໂຕະ, ເອກອັກຄະຣາຊະທູດຍີ່ປຸ່ນ ປະຈຳປະເທດໄທ ແລະ ທ່ານ ເດວຟິນ ຊັນ, ຕາງໜ້າອົງການສະຫະປະຊາຊາດ ເພື່ອຕ້ານຢາເສບຕິດ ແລະ ອາຊະຍາກຳ (UNODC) ປະຈຳຂົງເຂດ ໄດ້ຮ່ວມລົງນາມໃນເອກະສານແລກປ່ຽນໂຄງການຊ່ວຍເຫຼືອລ້າມູນຄ່າ 516 ລ້ານເຢນ ເພື່ອປະຕິບັດ “ໂຄງການເສີມສ້າງຄວາມຮ່ວມມືຂ້າມແດນ ເພື່ອຕໍ່ຕ້ານອາຊະຍາກຳຂ້າມຊາດໃນຂົງເຂດລຸ່ມແມ່ນ້ຳຂອງ (ສປປ ລາວ, ກຳປູເຈຍ, ໄທ ແລະ ຫວຽດນາມ )” ໃນເຮືອນພັກທ່ານທູດຢູ່ທີ່ບາງກອກ.
ໂຄງການດັ່ງກ່າວຈະຊ່ວຍຍົກລະດັບຄວາມສາມາດໃນການສືບສວນສອບສວນ ແລະ ການຮ່ວມມືໃນພາກພື້ນ ໂດຍເນັ້ນໜັກໃນການຕໍ່ສູ້ກັບບັນຫາການສໍ້ໂກງທາງອິນເຕີເນັດຜ່ານການສະໜອງເຄື່ອງມືສະເພາະ, ການຝຶກອົບຮົມເຈົ້າໜ້າທີ່ ແລະ ພັດທະນາແນວທາງປະຕິບັດການ ເພື່ອເສີມສ້າງຄວາມປອດໄພ ແລະ ການພັດທະນາທີ່ຍືນຍົງໃຫ້ແກ່ປະເທດໃນຂົງເຂດແມ່ນ້ຳຂອງ.
ທີ່ມາ: ສະຖານທູດຍີ່ປຸ່ນປະຈຳລາວ
