I. ມາດຕະຖານ ແລະ ເງື່ອນໄຂ:
1. ຕ້ອງຖືສັນຊາດລາວໂດຍກໍາເນີດ, ມີອາຍຸແຕ່ 18 ປີ ຂຶ້ນໄປ, ແຕ່ບໍ່ເກີນ 35 ປີ;
2. ເປັນພົນລະເມືອງດີ, ມີຄຸນສົມບັດດີ, ບໍ່ເຄີຍມີຄະດີມາກ່ອນ ແລະ ມີຄວາມມັກຮັກໃນວຽກງານ ຊາວຫນຸ່ມ, ເຍົາວະຊົນ, ອະນຸຊົນ;
3. ມີຄວາມຮູ້, ຄວາມສາມາດທີ່ແນ່ນອນ, ມີພອນສະຫວັນ, ມີບຸກຄະລິກດີ, ມີສຸຂະພາບແຂງແຮງດີ, ຮັບປະກັນການປະຕິບັດຫນ້າທີ່ ຢູ່ສູນກາງຊາວຫນຸ່ມປະຊາຊົນປະຕິວັດລາວ ແລະ ທ້ອງຖິ່ນໄດ້;
4. ສາມາດນໍາໃຊ້ໂປແກຼມ Microsoft Word, Microsoft Excel, Microsoft PowerPoint.
II. ຄຸນນະວຸດທິ ທີ່ຕ້ອງການ
1. ຕ້ອງຈົບຊັ້ນສູງ ຫຼື ປະລິນຍາຕີ ຂຶ້ນໄປ;
2. ສາຂາວິຊາທີ່ຕ້ອງການ: ວິທະຍາສາດການເມືອງ – ບໍລິຫານລັດຖະກິດ, ການພົວພັນສາກົນ, ບໍລິຫານທຸລະ ກິດ, ນິຕິສາດ-ລັດຖະສາດ, ການເມືອງ-ການປົກຄອງ ແລະ ວິຊາອື່ນໆ ທີ່ກ່ຽວຂ້ອງ;
3. ຮູ້ພາສາຕ່າງປະເທດໃດຫນຶ່ງທີ່ແນ່ນອນ ສາມາດ ອ່ານ, ຂຽນ, ແປໄດ້ໃນລະດັບດີເຊັ່ນ: ພາສາອັງກິດ, ພາສາ ຫວຽດນາມ, ພາສາຈີນ, ພາສາຣັດເຊຍ, ພາສາຝຣັ່ງ, ພາສາຍີ່ປຸ່ນ ແລະ ພາສາອື່ນໆ.
III. ວິທີການສະຫມັກ ແລະ ເວລາສອບເສັງ:
1. ສາມາດພົວພັນເອົາຄໍາຮ້ອງດ້ວຍຕົນເອງ, ໃຫ້ຖືໃບປະກາດ, ໃບຄະແນນຈົບຊັ້ນວິຊາສະເພາະຂອງຕົນມາ ຢັ້ງຢືນ ຢູ່ພະແນກຄຸ້ມຄອງ ພະນັກງານ, ກົມຈັດຕັ້ງ ສູນກາງຊາວຫນຸ່ມປະຊາຊົນປະຕິວັດລາວ;
2. ແຈກຢາຍຄໍາຮ້ອງ ໃນວັນທີ 10 ພະຈິກ 2026 (ມີຈໍານວນຈໍາກັດ 50 ຟອມ ເທົ່ານັ້ນ);
3. ປິດຮັບຄໍາຮ້ອງສະຫມັກ ໃນວັນທີ 13 ພະຈິກ 2026;
4. ຕິດລາຍຊື່ນັກສອບເສັງ ໃນວັນທີ 20 ພະຈິກ 2026 ເວລາ 13:30 ໂມງ ກະດານຂ່າວ ສູນກາງຊາວຫນຸ່ມ ປະຊາຊົນປະຕິວັດລາວ;
5. ສອບເສັງພາກຂຽນ ໃນວັນທີ 23 ພະຈິກ 2026 ທີ່ຫ້ອງປະຊຸມຊັ້ນ 3 ຕຶກສິນໄຊ ສຊປລ;
6. ວັນທີ 26 ພະຈິກ 2026 ແຈ້ງລາຍຊື່ຜູ້ເຂົ້າຮ່ວມຮອບສໍາພາດ ຈໍານວນ 25 ສະຫາຍ;
7. ສອບເສັງພາກສໍາພາດ ໃນວັນທີ 27 ພະຈິກ 2026 ( ແມ່ນຈະຄັດເລືອກຈາກພາກຂຽນເອົາ ຈໍານວນ 25 ສະຫາຍ ມາສໍາພາດ ).
ດັ່ງນັ້ນ, ຈຶ່ງແຈ້ງມາຍັງບັນດາຊາວຫນຸ່ມລາວຜູ້ທີ່ມີຄວາມສົນໃຈ ເພື່ອຊາບ ແລະ ປະຕິບັດຕາມກໍານົດດ້ວຍ.
ອ່ານເພີ່ມຕື່ມຕາມແຈ້ງການດ້ານລຸ່ມ




