ຫ້ອງການ ກະຊວງສຶກສາທິການ ແລະ ກິລາ ຂໍຖືເປັນກຽດແຈ້ງມາຍັງພະນັກງານ-ນັກສຶກສາຊາບວ່າ: ລັດຖະບານ ສປປ ເກົາຫຼີ ໃຫ້ທຶນການສຶກສາແກ່ພະນັກງານ ແລະ ນັກສຶກສາລາວ ທົ່ວໄປ ທີ່ມີຄວາມສົນໃຈຢາກໄປສຶກ ສາຕໍ່. ໃນລະດັບ ປະລິນຍາຕີ, ວິຊາ ພາສາເກົາຫຼີ, ຫຼັກສູດຮຽນເປັນ ພາສາເກົາຫຼີ ຈໍານວນ 02 ທຶນ. ພາຍໃຕ້ທຶນຂອງ ລັດຖະບານ ສປປ ເກົາຫຼີ.
I. ເງື່ອນໄຂຜູ້ສະຫມັກ
ຕ້ອງເປັນຄົນລາວ/ຖືສັນຊາດລາວ, ອາຍຸບໍ່ເກີນ 25ປີ, ສຸຂະພາບທາງກາຍ ແລະ ຈິດໃຈແຂງແຮງດີ; ສໍາເນົາປະກາສະນີຍະບັດ ແລະ ຄະແນນຈົບ ມ.7 ມີຜົນການຮຽນຄະແນນ 7/10 ຂຶ້ນໄປ.
II. ເງື່ອນໄຂຂອງທຶນຮັບຜິດຊອບ: ຄ່າຮຽນ, ຄ່າລົງທະບຽນ, ຫໍພັກ, ເບ້ຍລ້ຽງ, ຄ່າປະກັນສຸຂະພາບ ແລະ ປະກັນໄພອຸປະຕິເຫດໃນໄລຍະກໍາລັງສຶກສາຢູ່ປະເທດດັ່ງກ່າວ, ນອກຈາກນັ້ນແມ່ນນັກສຶກສາຮັບຜິດຊອບເອງ.
III. ວິທີສະຫມັກ
ຜູ້ສົນໃຈສະຫມັກໃຫ້ພົວພັນ, ສອບຖາມຂໍ້ມູນລາຍລະອຽດ ແລະ ແບບຟອມສະຫມັກຢູ່ ກົມກິດຈະການນັກສຶກສາ (ເຂດສະຫນາມກິລາເຈົ້າອານຸວົງ) ຍືນເອກະສານສະຫມັກຜ່ານກົມກິດຈະການນັກສຶກສາຈົນເຖິງ ວັນພະຫັດ, ວັນທີ 11 ມິຖຸນາ 2026 ເປັນມື້ປິດຮັບສະຫມັກ.
ດັ່ງນັ້ນ, ຈຶ່ງແຈ້ງມາຍັງທ່ານເພື່ອຊາບ ແລະ ດໍາເນີນການສະຫມັກໃຫ້ທັນເວລາດ້ວຍ.
ສາມາດດາວໂຫຼດເອົາແບບຟອມໃນເວັບໄຊຂອງກົມ www.mes.dka.edu.la.
ອ່ານລາຍລະອຽດຕື່ມຕາມແຈ້ງການ
