ອີງຕາມການລາຍງານຈາກ ກົມຕຳຫຼວດຈະລາຈອນ: ເດືອນມັງກອນ 2026 ທີ່ຜ່ານມາ ມີອຸບປະຕິເຫດເກີດຂຶ້ນທັງໝົດ 801 ກໍລະນີ ເພີ່ມຂຶ້ນ 235 ກໍລະນີ, ພາຫະນະເປ່ເພ 1,435 ຄັນ, ເພີ່ມຂຶ້ນ 394 ຄັນ, ຄົນໄດ້ຮັບບາດເຈັບ 1,149, ຍິງ 447 ຄົນ, ເພີ່ມຂຶ້ນ 232 ຄົນ ແລະ ມີຄົນເສຍຊີວິດ 113 ຄົນ, ຍິງ 37 ຄົນ, ເພີ່ມຂຶ້ນ 27 ຄົນ.
ສະເພາະຢູ່ນະຄອນຫຼວງວຽງຈັນ ມີອຸບປະຕິເຫດເກີດຂຶ້ນຫຼາຍກວ່າໝູ່ ມີທັງໝົດ 128 ກໍລະນີ, ຫຼຸດລົງ 05 ກໍລະນີ, ພາຫະນະເປ່ເພ 249 ຄັນ, ຫຼຸດລົງ 17 ຄັນ, ຄົນໄດ້ຮັບບາດເຈັບ 143 ຄົນ, ຫຼຸດລົງ 02 ຄົນ ແລະ ມີຄົນເສຍຊີວິດ 27 ຄົນ, ຫຼຸດລົງ 01 ຄົນ.
ສ່ວນສາເຫດຂອງການເກີດອຸບປະຕິເຫດອັນດັບໜຶ່ງແມ່ນມາຈາກ ໃຊ້ຄວາມໄວເກີນ,ດື່ມສິ່ງມຶນເມົາແລ້ວຂັບຂີ່, ປ່ຽນທິດທາງເດີນບໍ່ຮັບປະກັນ, ບໍ່ປ່ອຍສິດ, ຊິງຂຶ້ນໜ້າບໍ່ຮັບປະກັນ, ລ່ວງປ້າຍຫ້າມ, ສະພາບເຕັກນິກແລະອື່ນໆ.
ຊ່ວງເວລາ ທີ່ມັກເກີດເຫດອຸບປະຕິເຫດຫຼາຍກວ່າໝູ່ ແມ່ນ ເວລາ ແຕ່ 08:00 ໂມງ ຫາ 16:00 ໂມງແລງ, ເກີດຂຶ້ນສູງເຖິງ 394 ກໍລະນີ ແລະ ວັນເສົາແມ່ນວັນທີ່ມີອຸບປະຕິເຫດເກີດຂຶ້ນຫຼາຍກວ່າວັນອື່ນ.
ຄົນອາຍຸ 16-30 ປີ ແມ່ນມີສະຖິຕິເກີດອຸບປະຕິເຫດຫຼາຍກວ່າໝູ່ ຮອງລົງມາ ແມ່ນ ອາຍຸຕໍ່າກວ່າ 15 ປີ ແລະ ເກີດຂຶ້ນກັບອາຊີບກຳມະກອນ ສູງກວ່າໝູ່, ຮອງລົງມາແມ່ນອາຊີບຂັບລົດ ແລະ ນັກຮຽນ, ນັກສຶກສາຕາມອັນດັບ.
ຄິດເປັນມູນຄ່າເສຍຫາຍ ທີ່ເກີດຈາກອຸບປະຕິເຫດ ໃນເດືອນມັງກອນ ຈໍານວນ 31,544,400,000 ກີບ. (ສາມສິບເອັດຕື້ຫ້າຮ້ອຍສີ່ສິບສີ່ລ້ານສີ່ແສນກີບ) ແລະ ເພີ່ມຂຶ້ນ ຈາກເດືອນ ທັນວາ ຈໍານວນ 4,633,880,000 ກີບ. (ສີ່ຕື້ຫົກຮ້ອຍສາມສິບສາມລ້ານແປດແສນແປດສິບພັນກີບ).
Lao Youth Radio FM90MHz
