ວັນທີ 12 ມີນາ 2025, ໄດ້ມີພິທີມອບ - ຮັບ ອາຄານນອນຄົນເຈັບ ໂຮງໝໍແຂວງຈໍາປາສັກຫຼັງໃໝ່ ໂດຍໃຫ້ກຽດເຂົ້າຮ່ວມຂອງ ທ່ານ ສອນໄຊ ສີພັນດອນ ນາຍົກລັດຖະມົນຕີ ເເຫ່ງ ສປປ ລາວ. ອາຄານນອນຄົນເຈັບຫຼັງນີ້ແມ່ນການຊ່ວຍເຫຼືອລ້າໃນການ ກໍ່ສ້າງ ຈາກ ກຸ່ມບໍລິສັດ ເອໄອເອັຟ, ບໍລິສັດ ທີ່ປຶກສາດ້ານການ ລົງທຶນ ແລະ ກໍ່ສ້າງເຂື່ອນໄຟຟ້າ ຈໍາກັດຜູ້ດຽວ, ກຸ່ມບໍລິສັດ ໄຊ ຊະນະ ຈໍາກັດຜູ້ດຽວ ໃນມູນຄ່າ 16 ຕື້ກີບ.
ທ່ານ ດຣ.ຄໍາສິງ ແກ້ວທອງກຸ ຜູ້ອໍານວຍການໂຮງໝໍແຂວງຈຳປາສັກ ກໍໄດ້ກ່າວຮັບອາຄານນອນຄົນເຈັບຫຼັງໃໝ່ ແລະ ມີຄຳເຫັນວ່າ: ຄະນະພັກ - ຄະນະອໍານວຍການພ້ອມດ້ວຍພະນັກງານໂຮງໝໍແຂວງຈໍາປາສັກ ທທຸກຖ້ວນໜ້າມີຄວາມພາກພູມໃຈຢ່າງ ຍິ່ງທີ່ໄດ້ຮັບອາຄານນອນຄົນເຈັບຫຼັງໃໝ່ ໃນຄັ້ງນີ້ ເພາະເປັນຂີດໝາຍທີ່ສໍາຄັນໃນການ ຍົກລະດັບຄຸນນະພາບການປິ່ນປົວ ຕາມເນື້ອໃນຄຸນນະພາບ 5 ດີ 1 ພໍໃຈ ຢູ່ສະຖານທີ່ປິ່ນປົວສຸຂະພາບ ທີ່ກະຊວງສາທາລະນະສຸກກຳນົດອອກ ທັງເປັນການຫຼຸດຜ່ອນຄວາມແອອັດ, ຫຼຸດຜ່ອນຄວາມສ່ຽງຈາກການຕິດເຊື້ອພາຍໃນໂຮງໝໍ, ເຮັດໃຫ້ໂຮງໝໍ ມີອາຄານນອນປິ່ນປົວຄົນເຈັບ ຂະໜາດ 68 ຕຽງ ເພີ່ມຕື່ມເພື່ອຮອງຮັບໃຫ້ແກ່ການມາປິ່ນປົວຂອງປະຊາ ຊົນບັນດາເຜົ່າ ໃນ 4 ແຂແຂວງພາກໃຕ້ໂອກາດນີ້ຂໍໃຫ້ຄໍາໝັ້ນສັນຍາວ່າ ຈະຄຸ້ມຄອງນໍາໃຊ້ແລະ ປົກປັກຮັກສາອາຄານນອນປິ່ນ ປົວຕົນເຈັບ ທີ່ໄດ້ຮັບການຊ່ວຍເຫຼືອໃນຄັ້ງນີ້ດ້ວຍຄວາມ ຮັບ ຜິດຊອບ ແລະ ເກີດປະໂຫຍດສູງສຸດ.
ທີ່ມາ: LNR
