ບໍລິສັດ ຄິງສ ວັລເລ ຈຳກັດ ຜູ້ດຳເນີນທຸລະກິດຢູ່ປະເທດ ອິນເດຍ ຄາດວ່າຈະລົງທຶນຫຼາຍກວ່າ 33 ຕື້ກີບ (ປະມານ 1.5 ລ້ານໂດລາສະຫະລັດ) ໃນສະຖາບັນການສຶກສາຄຸນນະພາບສູງແຫ່ງໃໝ່ ຄື ໂຮງຮຽນນາໆຊາດ (KVIS) ທີ່ນະຄອນຫຼວງວຽງຈັນ.
ເປົ້າໝາຍເພື່ອບັນລຸຄວາມເປັນເລີດດ້ານການສຶກສາ, ນະວັດຕະກຳ ແລະ ການຂະຫຍາຍຕົວຂອງຊຸມຊົນດ້ວຍສະພາບແວດລ້ອມທີ່ປອດໄພ ແລະ ສະໜັບສະໜູນ, ທ່ານ ວາຣຸນ ບຸບນາກາ ຜູ້ກໍ່ຕັ້ງ ແລະ ປະທານບໍລິສັດ, ກ່າວຕໍ່ນັກຂ່າວວຽງຈັນທາມສ໌ ເມື່ອໃຫ້ສຳພາດຢູ່ທີ່ເຮືອນພັກຂອງບໍລິສັດ ໃນນະຄອນຫຼວງວຽງຈັນ ໃນອາທິດທີ່ຜ່ານມາ.
ທ່ານກ່າວວ່າ “ພວກເຮົາມີຈຸດປະສົງເພື່ອເຮັດວຽກຮ່ວມມືກັບນັກຮຽນແລະພໍ່ແມ່ນັກຮຽນ ເພື່ອສົ່ງເສີມຊຸມຊົນທີ່ມີຄວາມເປັນຫ່ວງເປັນໄຍ ແລະ ມີການສະຫນັບສະຫນູນຊຶ່ງກຫນແລະກັນ.
ໂຮງຮຽນ ດັ່ງກ່າວ ຕັ້ງຢູ່ບ້ານທົ່ງກາງ ເມືອງສີສັດຕະນາກ ນະຄອນຫຼວງວຽງຈັນ ແລະ ຈະເປີດໃນຕົ້ນປີນີ້.
ບໍລິສັດ King’s Valley ຈຳກັດ ດຳເນີນທຸລະກິດໃນຂະແໜງການຕ່າງໆ ເຊັ່ນ: ການສຶກສາ, ການທ່ອງທ່ຽວ ແລະການບໍລິການທາງການແພດ, ໃນອິນເດຍ ແລະອາຊີຕາເວັນອອກສ່ຽງໃຕ້.
ທ່ານ Bhatnagar ກ່າວວ່າ “ພວກເຮົາໄດ້ຕັດສິນໃຈເຮັດທຸລະກິດດ້ານການສຶກສາໃນລາວເພາະວ່າພວກເຮົາເຫັນຄວາມຕ້ອງການດ້ານການສຶກສາທີ່ມີຄຸນນະພາບສູງແລະການເຕີບໂຕຂອງເສດຖະກິດແລະ GDP ຂອງປະເທດໃນຖານະທີ່ເປັນປະເທດສະມາຊິກອາຊຽນ”.
ທ່ານກ່າວຕື່ມວ່າ ບໍລິສັດຂອງພວກເຮົາໄດ້ລົງທຶນເຂົ້າໂຮງຮຽນສາກົນ King’s Valley (KVIS) ໃນຫຼາຍປະເທດ ລວມທັງມຽນມາ. ພວກເຮົາມີຄູອາຈານທີ່ມີຄຸນນະພາບສູງແລະມີປະສົບການຈາກປະເທດຕ່າງໆທີ່ຈະສອນແລະສ້າງມິດຕະພາບກັບນັກຮຽນແລະພໍ່ແມ່ຂອງເຂົາເຈົ້າ.
ໂຮງຮຽນຂອງພວກເຮົາຈະເປີດໂອກາດໃຫ້ພໍ່ແມ່ທີ່ມີລາຍໄດ້ປານກາງເພື່ອສົ່ງລູກຂອງເຂົາເຈົ້າເຂົ້າໂຮງຮຽນນີ້. ຄຸນນະພາບການສອນ, ອຸປະກອນການຮຽນ, ຫຼັກສູດ ແລະ ສິ່ງອໍານວຍຄວາມສະດວກຕ່າງໆແມ່ນໄດ້ມາດຕະຖານດຽວກັນກັບໂຮງຮຽນນາໆຊາດອື່ນໆໃນລາວ.
ບໍລິສັດມີແຜນຈະຈ່າຍເງິນໃຫ້ພະນັກງານການສອນຈາກຕ່າງປະເທດ ແລະ ລາວພາຍໃນປະເທດມາເຮັດວຽກຢູ່ໂຮງຮຽນເພື່ອໃຫ້ໄດ້ ຕາມມາດຕະຖານທີ່ຄາດໄວ້.
