ສະພາບຜົນການວັດແທກຝຸ່ນລະອອງຂະໜາດນ້ອຍກວ່າ 2.5 ໄມຄຣອນ (PM 2.5) ປະຈຳວັນທີ 20 ມັງກອນ 2025 ຈາກຂໍ້ມູນຂອງ ການວັດແທກຝຸ່ນລະອອງ PM 2.5 ຂອງ ສະຖາບັນຄົ້ນຄວ້າ ຊັບພະຍາກອນທຳມະຊາດ ແລະ ສິ່ງແວດລ້ອມ, ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ ໃຫ້ຮູ້ວ່າ: ລຳດັບແຂວງທີ່ມີຄ່າ ຝຸ່ນລະອອງຂະໜາດນ້ອຍສູງສຸດ ແມ່ນ ນະຄອນຫຼວງວຽງຈັນ ມີຄ່າ 161.2 ໄມຄອນ ເຊິງສົ່ງຜົນກະທົບຕໍ່ສຸຂະພາບ.
ຝຸ່ນ PM 2.5, ບັນຫາມົນລະພິດທາງອາກາດທີ່ຢູ່ອ້ອມຕົວເຮົາ ແລະ ສົ່ງຜົນກະທົບຕໍ່ສຸຂະພາບ ປັດຈຸບັນບັນຫາຂີ້ຝຸ່ນ PM 2.5 ຢູ່ລາວຫຼາຍເຂດ ແມ່ນກຳລັງປະເຊີນກັບບັນຫາຂີ້ຝຸ່ນ PM 2.5 ທີ່ເກີນມາດຕະຖານອັນທີ່ສົ່ງຜົນໃຫ້ມີສະພາບອາກາດທີ່ມືດມົວຍ້ອນຂີ້ຝຸ່ນຈໍານວນຫຼວງຫຼາຍທີ່ອາດສົ່ງຜົນກະທົບຕໍ່ສຸຂະພາບຂອງຄົນເຮົາ.
ຝຸ່ນ PM 2.5 ແມ່ນຫຍັງ?
PM ຫຍໍ້ມາຈາກ Particulate Matters, ເຊິ່ງເປັນຄ່າມາດຕະຖານຂອງຝຸ່ນລະອອງຂະໜາດນ້ອຍທີ່ມີຂະໜາດຫົວໜ່ວຍ 2.5 microns ແລະ ເປັນອັນຕະລາຍຕໍ່ສຸຂະພາບມັນເປັນຂີ້ຝຸ່ນທີ່ບໍ່ສາມາດເຫັນໄດ້ດ້ວຍຕາເປົ່າແຕ່ມັນສາມາດເຫັນໄດ້ໃນປະລິມານຫຼາຍ ມັນຄ້າຍຄືຄວັນທີ່ລອຍຢູ່ໃນຊັ້ນບັນຍາກາດມັນຍັງເປັນຝຸ່ນຂີ້ຝຸ່ນຂະຫນາດນ້ອຍທີ່ສາມາດເຈາະຜ່ານດັງຂອງເຮົາໄດ້ ເຮັດໃຫ້ຂີ້ຝຸ່ນປະເພດນີ້ສະສົມຢູ່ໃນຮ່າງກາຍຈົນເຮັດໃຫ້ເກີດບັນຫາກ່ຽວກັບປອດ ແລະລະບົບຫາຍໃຈ.
ສາເຫດຂອງການເກີດຝຸ່ນ PM2.5
ສ່ວນສາເຫດຂອງຂີ້ຝຸ່ນ PM 2.5 ແມ່ນມາຈາກຫຼາຍປັດໃຈທີ່ສະສົມມາເປັນເວລາດົນນານ ສ່ວນຫຼາຍແມ່ນເກີດມາຈາກການເຜົາໃຫມ້ນ້ຳມັນເຊື້ອໄຟທໍາມະຊາດທີ່ບໍ່ສົມບູນ ແລະ ການເຜົາໃຫມ້ຂອງເຊື້ອໄຟປະເພດຕ່າງໆດັ່ງນີ້:
– ການເຜົາໃຫມ້ໃນໂຮງງານອຸດສາຫະກໍາ
– ການລະບາຍຄວັນດຳອອກຈາກລົດ, ລົດບັນທຸກ, ລົດເມ ແລະ ອື່ນໆ
– ການຈູດປ່າ ຫຼື ໄຟໄໝ້ປ່າ
– ການຈູດຂິ້ເຫຍື້ອ
– ການກໍ່ສ້າງ
– ການສູບຢາ, ຈູດທູບ, ຈູດເຈ້ຍ, ປຸງແຕ່ງອາຫານ, ເຕົາແກັສ ເຜົາຜານຄວາມຮ້ອນ.
– ການປ່ອຍອາຍພິດທາງອາກາດ
Cr. hugsinsurance
