ເຈົ້ານະຄອນ ຫຼວງພະບາງ ຂໍຖືເປັນກຽດແຈ້ງມາຍັງບັນດາ, ສຳນັກງານ, ອົງການ, ຫ້ອງການອ້ອມຂ້າງ ນະຄອນ ແລະ ບ້ານພາຍໃນເທດສະບານ ນະຄອນ ຫຼວງພະບາງ ຊາບກ່ຽວກັບການປິດເສັ້ນທາງຢູ່ສີ່ແຍກຕາດໝໍ້ ເທດສະບານ ນະຄອນ ຫຼວງພະບາງ ແມ່ນຈະເລີ່ມປີດຕັ້ງແຕ່ວັນທີ 10 ມັງກອນ 2025 ນີ້ເປັນຕົ້ນໄປ, ເຊິ່ງມີລາຍ ລະອຽດດັ່ງລຸ່ມນີ້:
1. ການປິດເສັ້ນທາງສີ່ແຍກຕາດໜໍ້ນັບແຕ່ເວລາ 16:00 ນາທີ – 21:00 ແລງ ຂອງທຸກໆມື້;
2. ແຈ້ງເຖິງອົງການຈັດຕັ້ງບ້ານ, ຫົວໜ່ວຍທຸລະກິດ ຮ້ານຄ້າ, ຮ້ານອາຫານ ທີ່ຢູ່ໃນຂອບເຂດດັ່ງກ່າວໃຫ້ເອົາ ລົດໄປຈອດທີ່ ໂຮງຮຽນ ຫຼວງພະບາງ ຫຼື ບ່ອນທີ່ກໍານົດໄວ້ ບໍ່ໃຫ້ຈອດຢູ່ແຄມທາງ;
3. ຍົກເວັ້ນແຕ່ໄດ້ຮັບອານຸຍາດຈາກຫ້ອງວ່າການ ນະຄອນ, ພະແນກໂຍທາທິການ ແລະ ຂົນສົ່ງ ແຂວງ ແລະ ຫ້ອງການໂຍທາທິການ ແລະ ຂົນສົ່ງນະຄອນ;
4. ຜູ້ໃດລະເມີດບໍ່ປະຕິບັດຕາມແຈ້ງການນີ້ແມ່ນຈະໄດ້ໃຊ້ມາດຕະການປັບໃໝຕາມລະບຽບທີ່ກໍານົດຢ່າງ ເຂັ້ມງວດ.
ດັ່ງນັ້ນ, ຈິ່ງແຈ້ງມາຍັງທ່ານເພື່ອຊາບ ແລະ ປະຕິບັດຕາມເນື້ອໃນແຈ້ງການ ສະບັບນີ້ດ້ວຍ.
