ກຽມສະເໜີ “ລາບ” ເຊີ່ງເປັນອາຫານພື້ນເມືອງຂອງລາວ ເພື່ອຂໍຈົດທະບຽນ ເຂົ້າເປັນມໍລະດົກໂລກໃນຕໍ່ໜ້າ ເຊີ່ງຈະເຮັດໃຫ້ອາຫານລາວນັບມື້ ມີຊື່ສຽງ ແລະ ເປັນທີ່ຮູ້ຈັກຂອງຕ່າງປະເທດໃນຕໍ່ໜ້າ !!!
ທ່ານ ນາງ ຈັນທະຈອນ ວົງໄຊ, ຮອງປະທານສະພາການຄ້າ ແລະ ອຸດສາຫະກໍາແຫ່ງຊາດ, ທັງເປັນປະທານສະມາຄົມນັກທຸລະກິດແມ່ຍິງ ໄດ້ໃຫ້ສໍາພາດຕໍ່ສື່ມວນຊົນ ໃນໂອກາດງານຖະແຫລງຂ່າວຈັດງານເທດສະການອາຫານລາວປີ 2025 ເມື່ອບໍ່ດົນມານີ້ວ່າ: ປັດຈຸບັນນີ້, ສະມາຄົມນັກທຸລະກິດແມ່ຍີງ ໄດ້ສົມທົບກັບບັນດາຂະແໜງການທີ່ກ່ຽວຂ້ອງ ໄດ້ຍື່ນໜັງສືເຖີງກະຊວງຖະແຫລງຂ່າວ, ວັດທະນະທໍາ ແລະ ທ່ອງທ່ຽວ ຮຽບຮ້ອຍແລ້ວ ເພື່ອສະເໜີຕໍ່ອົງການທີ່ກ່ຽວຂ້ອງເພື່ອຂໍເອົາອາຫານລາວ ຄື: “ລາບ” ເຂົ້າໄປຈົດທະບຽນເປັນມໍລະດົກໂລກໃນອະນາຄົດ.
ທ່ານກ່ວຕື່ມວ່າ: ອີງຕາມການຈັດເທສະການອາຫານຜ່ານມາເປັນເວລາ 20 ປີ, ທາງຄະນະຮັບຜິດຊອບໄດ້ພິ ຈາລະນາ ແລະ ຕົກລົງເຫັນດີໃຫ້ສະເໜີອາຫານລາວ ຄື: “ລາບ” ເຂົ້າໄປຈົດທະບຽນເປັນມໍລະດົກໂລກ ຍ້ອນເປັນອາ ຫານທີ່ຢູ່ຄູ່ກັບຄົນລາວ ແລະ ມີຄວາມເປັນມາເປັນວລາດົນນານ ແລະ ເປັນເອກະລັກບໍ່ຄືກັບປະເທດອື່ນ, ເວລາຈັດງານສໍາຄັນຕ່າງໆ ເຊັ່ນ: ແຕ່ງດອງ, ງານລ້ຽງ, ຂຶ້ນເຮືອນໃໝ່, ສູ່ຂວັນ ແລະ ອື່ນໆ ຕ້ອງມີລາບຢູ່ດ້ວຍທຸກຄັ້ງ ເຮັດໃຫ້ໝັ້ນໃຈໄດ້ວ່າລາບຂອງລາວເປັນເອກະລັກ ແລະ ການປຸງແຕ່ງທີ່ບໍ່ຄືກັບປະເທດອື່ນໆ ແລະ ສາມາດສະເໜີຂໍຈົດທະບຽນເປັນມໍລະດົກໂລກໄດ້ໃນຕໍ່ໜ້າ.
ສໍາລັບສະມາຄົມນັກທຸລະກິດແມ່ຍິງ, ປັດຈຸບັນ ພວມຮ່ວມກັບພາກສ່ວນກ່ຽວຂ້ອງ ເພື່ອກະກຽມຈັດງານ ເທສະການອາຫານລາວ ຄັ້ງທີ 20, ປີ 2025 ນີ້ ພາຍໃຕ້ຄໍາຂວັນ: “ 20 ປີ ເທດສະການອາຫານລາວມີໄຊ ສືບຕໍ່ກ້າວໄປສູ່ສາກົນ ” ໃນລະຫວ່າງວັນທີ 22-26 /1 /2025 ທີ່ສວນເຈົ້າອານຸວົງແຄມຂອງ. ພາຍໃນງານຈະມີອາຫານແບບພື້ນບ້ານ, ອາຫານລາວປະຍຸກ ແລະອາຫານສາກົນມາວາງຂາຍ ເຖິງ 180 ຮ້ານໃນນັ້ນ, ອາຫານເອກກະລັກຈາກແຂວງຕ່າງໆ ແລະ ຈາກຜູ້ສະໜັບສະໜູນງານລວມ 160 ຮ້ານ, ຂາຍເຄື່ອງຫັດຖະກໍາ ແລະກະສິກໍາ 20 ຮ້ານ. ໃນນັ້ນ ທີ່ຂາດບໍ່ໄດ້ນັ້ນກໍຄື ລາບ ເຊີ່ງເປັນອາຫານພື້ນເມືອງຂອງລາບທີ່ມີມາແຕ່ດົນນານ.
@FM90 ຜະລິດຂ່າວ
