ວົງການຢາສູບໄຟຟ້າໄປໄກກວ່າທີ່ຄິດ ເມື່ອຢາສູບໄຟຟ້າ ເລີ່ມເຂົ້າສູ່ການປະສົມ ກັບຢາເສບຕິດ ອອກມາເປັນຜະລິດຕະພັນສຳລັບການສູບຮູບເເບບໃໝ່ ນັ້ນກໍ່ຄື ຢາສູບໄຟຟ້າ!
ນອກຈາກຢາສູບໄຟຟ້າທຳມະດາ ທີ່ເປັນໄພໃກ້ຕົວ ຂອງເຍົາວະຊົນຊາວໜຸ່ມ ໃນທຸກໆມື້ນີ້ ກໍຍັງມີຮູບເເບບໃໝ່ຂອງກຸ່ມຜູ້ຜະລິດ ທີ່ຫົວສະຫຼາດ ນຳເອົາຫົວພັອດຢາສູບໄຟຟ້າ ມາປະສົມກັບຢາເສບຕິດ ເຊັ່ນ: ເຄຕາມີນ (Ketamine) ຫຼື “ຢາເຄ” ແລະ ເຮໂຣອິນ ເເລະ ໃຊ້ຫົວພັອດ ແບບປະສົມປະສານ (hybrid) ໃນຢາສູບເເບບການສູບຢາສູບໄຟຟ້າທົ່ວໄປ ເຊິ່ງເຮັດໃຫ້ເຮົາບໍ່ສາມາດເເຍກອອກໄດ້ວ່າ ເປັນສານເສບຕິດ ຫຼື ຢາສູບໄຟຟ້າ?
ຜົນຈາກການໃຊ້ຢາສູບໄຟຟ້າ hybrid ກັບຢາເສບຕິດ ຈະສົ່ງຜົນເສຍຕໍ່ສະໝອງໂດຍກົງ ເເລະ ຖ້າໃຊ້ດົນ ມີໂອກາດເຮັດໃຫ້ສະໝອງເສື່ອມໄດ້.
ມີທາງເປັນໄປໄດ້ 2 ທາງຄື:
1. ການໃຊ້ອຸປະກອນສູບຢາສູບໄຟຟ້າຊະນິດເຕີມນ້ຳຢາໄດ້ ໂດຍການໄປເຕີມ ຫຼື ຜະສົມຢາເສບຕິດຮ້າຍເເຮງອື່ນໆ ເພື່ອສູບ ເເມ່ນເປັນເລື່ອງທີ່ໜ້າກັງວົນຫຼາຍໃນກຸ່ມນັກວິຊາການ ຕັ້ງເເຕ່ຕອນເລີ່ມມີຢາສູບໄຟຟ້າໃໝ່. ຄວາມກັງວົນນີ້ເລີ່ມຈະປາກົດຢູ່ໃນພື້ນທີ່ຕ່າງໆໃນທົ່ວໂລກ ເຊິ່ງຍິ່ງຈະເຮັດໃຫ້ການລະບາດຂອງຢາເສບຕິດນັ້ນງ່າຍຂຶ້ນ ເຮັດໃຫ້ຄວບຄຸມຍາກຍິ່ງຂຶ້ນ.
2. ອີກທາງໜຶ່ງຄື ເດັກທີ່ເລີ່ມໃຊ້ຢາສູບໄຟຟ້າເມື່ອຕອນອາຍຸຍັງນ້ອຍ ເເລະ ຢູ່ໃນສິ່ງເເວດລ້ອມທີ່ມີບັນຫາທາງສັງຄົມ ຈະມີຄວາມສ່ຽງທີ່ຕໍ່ໄປຈະໃຊ້ຢາເສບຕິດທີ່ຮ້າຍເເຮງເພີ່ມຂຶ້ນ, ຜົນຈາກລິດຂອງນິໂຄຕິນໃນຢາສູບໄຟຟ້າ ທີ່ເຮັດໃຫ້ສະໝອງຂອງເດັກທີ່ກຳລັງພັດທະນາ ພ້ອມທີ່ຈະຮັບສານເສບຕິດຕ່າງໆງ່າຍຂຶ້ນ.
ບັນຫາເດັກທີ່ສູບຢາສູບໄຟຟ້າເເລ້ວພັດທະນາໄປສູບຢາເສບຕິດຊະນິດອື່ນໆ ເປັນເລື່ອງທີ່ຫຼາຍໆຝ່າຍເບິ່ງຜ່ານ, ເເຕ່ໃນຄວາມເປັນຈິງເເລ້ວເລື່ອງນີ້ເເມ່ນໜ້າເປັນຫ່ວງຫຼາຍ ໂດຍສະເພາະບາງຄອບຄົວເເມ່ນລ້ວນເເລ້ວເເຕ່ມີຫຼາກຫຼາຍສາລະພັດບັນຫາພາຍໃນຄອບຄົວ ເເລະ ສິ່ງເເວດລ້ອມອອ້ອມຂ້າງທີ່ເຕັມໄປດ້ວຍອະບາຍຍະມຸກຫຼາກຫຼາຍຊະນິດ.ການຄວບຄຸມຢາສູບໄຟຟ້າເເບບຈິງຈັງ, ປາບປາມຜູ້ທີ່ລັກລອບ ເເລະ ຜູ້ທີ່ຂາຍຕາມຊ່ອງທາງຕ່າງໆຢ່າງເຂັ້ມງວດ ຈຶ່ງເປັນເລື່ອງທີ່ຄວນຈັດຕັ້ງປະຕິບັດ.
ຮູບພາບ: Drama addict/MGR Online
ຂໍ້ມູນ: ASH THAILAND
