ສາຍການບິນແຫ່ງຊາດ ການບິນລາວ Lao Airlines ມີແຜນທີ່ຈະເປີດຖ້ຽວບິນ ຈາກນະຄອນຫຼວງວຽງຈັນ ສປປ ລາວ ເຖິງ ແຂວງຄຸມາໂມະໂຕ້ ພາກໃຕ້ ຂອງປະເທດຍີ່ປຸ່ນ ໃນວັນທີ່ 18 ມີນາ 2020 ນີ້ ຈໍາເປັນຕ້ອງໄດ້ເລື່ອນເວລາ ອອກໄປຕື່ມ ເນື່ອງຈາກມີຄວາມຈໍາເປັນ ຕ້ອງໄດ້ສຶກສາລະອຽດ ຄວາມເປັນໄປໄດ້ທາງດ້ານເສດຖະກິດ, ການວິເຄາະ ການຕະຫຼາດ ແລະ ຄວາມສ່ຽວອື່ນໆ ທີ່ອາດເກີດຂຶ້ນ. ໜັງສຶພິມ TKU-News ຂອງປະເທດຍີ່ປຸ່ນ ລາຍງານວ່າ ຍັງບໍ່ທັນມີ ການແຈ້ງການແຜນການບິນ ທີ່ແນ່ນອນ ວ່າ ຈະເປີດໃຫ້ການບໍລິການ ໃນມື້ໃດ. ປະຈຸບັນ ທາງແຂວງຄຸມາໂມະໂຕ້ ຂອງປະເທດ ຍີ່ປຸ່ນ ກໍາລັງຊອກຫາວິທີທາງ ໃນການຊ່ວຍເຫຼືອ ສປປ ລາວ ເພື່ອໃຫ້ທ່ຽວບິນນີ້ ສາມາດເປີດຂຶ້ນໄດ້. ຕາມແຜນ ໃນເບື້ອງຕົ້ນ ຈະເປີດຖ້ຽວການບິນ ໄປກັບ 4 ຄັ້ງຕໍ່ອາທິດ.
ໃນເວລາດຽວກັນ ແຂວງຄຸມາໂມະໂຕ້ ປະກາດເປີດຄືນ ເສັ້ນທາງການບິນ ຄຸມາໂມະໂຕະ ຫາ ນະຄອນຫຼວງ ໂຊລ ປະເທດ ສ. ເກົາຫຼີ ເພື່ອດຶງດູດນັກທ່ອງທ່ຽວ ທີ່ມີຄວາມສົນໃຈ ໃນການຫຼິ້ນກ໋ອຟ ໃຫ້ເຂົາມາທ່ຽວແຂວງໃຫ້ຫຼາຍຂຶ້ນ.
ແຫຼ່ງຂໍ້ມູນ: https://www.tku.co.jp/news
