ຈີນຈະຊ່ວຍເຫຼືອສ້າງໂຄງລ່າງພື້ນຖານໃຫ້ແຂວງວຽງຈັນ ແລະ ຫຼວງພະບາງ ລຽບຕາມເສັ້ນທາງລົດໄຟ ລາວ-ຈີນ
ອີງຕາມແຫຼ່ງຂ່າວ CRI ລາຍງານໃນວັນທີ 23 ຕຸລາ 2019 ຜ່ານມາວ່າ: ຫ້ອງການຄະນະກໍາມະການຮ່ວມມືລາວ-ຈີນ ນະຄອນຫຼວງວຽງຈັນ ໄດ້ມີການເຊັນບົດບັນທຶກການຈັດຕັ້ງປະຕິໂຄງການຊ່ວຍເຫຼືອລ້າຂອງລັດຖະບານຈີນ ເຊິ່ງຢູ່ພາຍໃຕ້ການຮ່ວມມືກັບລັດຖະບານລາວ ເພື່ອຈະກໍ່ສ້າງໂຄງລ່າງພື້ນຖານເຊັ່ນ: ລະບົບນໍ້າປະປາ, ສຸກສາລາ, ລະບົບໄຟຟ້າ, ຕິດຕັ້ງໂທລະພາບ ໃຫ້ກັບປະຊາຊົນ ທີ່ອາໄສຢູ່ລຽບຕາມເສັ້ນທາງລົດໄຟລາວ-ຈີນ ພາຍໃນແຂວງວຽງຈັນ ແລະ ແຂວງຫຼວງພະບາງ.
ປັດຈຸບັນນີ້ໂຄງການດັ່ງກ່າວແມ່ນຢູ່ໃນໄລຍະການສໍາຫຼວດ ແລະ ການປະເມີນຂອງທັງສອງຝ່າຍ ໃນດ້ານຕ່າງໆ ເພື່ອດໍາເນີນການຈັດຕັ້ງປະຕິບັດຕົວຈິງໃນອະນາຄົດອັນໃກ້ນີ້.
CRI
