ກອງປະຊຸມໃຫຍ່ຜູ້ແທນຊາວ ໜຸ່ມທົ່ວປະເທດ ຄັ້ງທີ VII ຊຶ່ງຈະໄດ້ໄຂຂຶ້ນໃນລະຫວ່າງ ວັນທີ 30-31 ທັນວາ ທີ່ຈະ ມາເຖິງນີ້ ທີ່ຫໍປະຊຸມແຫ່ງຊາດ, ນະຄອນຫຼວງວຽງຈັນ
ກອງປະຊຸມໃຫຍ່ ຄັ້ງທີ VII ຂອງຜູ້ແທນຊາວໜຸ່ມ ປະຊາຊົນ ປະຕິວັດລາວ ຄັ້ງນີ້ແມ່ນ ມີຄວາມໝາຍສຳຄັນຍິ່ງຕໍ່ຂະບວນການລວມຂອງຊາດ, ຂອງ ພັກ ແລະ ຂອງຊາວໜຸ່ມໃນ ການຈັດຕັ້ງປະຕິບັດມະຕິຄັ້ງ ທີ IX ຂອງພັກ ແລະ ມະຕິຄັ້ງ ທີ VI ຂອງຄະນະຊາວໜຸ່ມປະ ຊາຊົນ ປະຕິວັດລາວ, ແຜນ ພັດທະນາຊາວໜຸ່ມ-ເຍົາວະຊົນລາວ ໃນຍຸກສະໄໝເປີດ ກວ້າງ ແລະ ເຊື່ອມໂຍງກັບສາ ກົນຢ່າງເປັນເຈົ້າການ, ກອງປະຊຸມຄັ້ງນີ້ຜູ້ແທນກອງປະ ຊຸມຈະໄດ້ຮັບຟັງການສະເໜີ ບົດລາຍງານ ການເມືອງສະ ຫຼຸຸບຕີລາຄາການຈັດຕັ້ງປະຕິ ບັດວຽກງານຊາວໜຸ່ມ -ເຍົາວະ ຊົນ ໃນ 5 ປີຜ່ານມາ ແລະ ທິດ ທາງແຜນການໃນຕໍ່ໜ້າ, ໃນ ນີ້ແມ່ນຈະໄດ້ຕີລາຄາການຈັດ ຕັ້ງປະຕິບັດມະຕິກອງປະຊຸມ ໃຫຍ່ ຄັ້ງທີ VI ຂອງຜູ້ແທນ ຊາວໜຸ່ມທົ່ວປະເທດ ແຕ່ປີ (2011-2015) ເປັນຕົ້ນແມ່ນ ທາງດ້ານການເມືອງແນວຄິດ, ການປັບປຸງກໍ່ສ້າງ ການຈັດຕັ້ງ ຂອງຊາວໜຸ່ມ ແລະ ເຍົາວະຊົນ, ການຈັດຕັ້ງປະຕິບັດການນຳ ພາຊາວໜຸ່ມເຂົ້າສູ່ຂະບວນການຕ່າງໆ, ການປົກປ້ອງສິດ ຜົນປະໂຫຍດຂອງຊາວໜຸ່ມ -ເຍົາວະຊົນລາວບັນດາເຜົ່າ, ຕີລາຄາຄືນວຽກງານສົ່ງເສີມ ວິຊາຊີບ, ວຽກງານກວດກາ ຂອງຄະນະຊາວໜຸ່ມ ແລະ ວຽກງານພົວພັນຮ່ວມມືທາງພາຍ ໃນ ແລະ ຕ່າງປະເທດ, ໃນນີ້ກໍ ຍັງຈະໄດ້ຕີລາຄາຄືນຕໍ່ການ ຈັດຕັ້ງປະຕິບັດວຽກງານຫັນ ລົງຮາກຖານຕາມທິດນຳ 3 ສ້າງຂອງພັກ, ການຈັດຕັ້ງປະ ຕິບັດ 6 ໂຄງການຈຸດສຸມຄື: (ໂຄງການສ້າງກຸ່ມວິຊາຊີບໃຫ້ ແກ່ຊາວໜຸ່ມຕົວແບບ, ໂຄງການຝຶກອົບຮົມວິຊາຊີບໃຫ້ ແກ່ຊາວໜຸ່ມຊົນນະບົດ, ໂຄງ ການສົ່ງເສີມພອນສະຫວັນ ແລະຫົວຄິດປະດິດ ສ້າງ, ໂຄງການຝຶກອົບຮົມຄວາມຮູ້ທົ່ວໄປ ແລະ ການເມືອງໃຫ້ຊາວ ໜຸ່ມນອກໂຮງຮຽນ, ໂຄງການ ສ້າງສະຫະພັນຊາວໜຸ່ມ ແລະ ໂຄງການສ້າງ ກອງທຶນພັດທະ ນາຊາວໜຸ່ມ ພ້ອມກັນນີ້ກໍຍັງ ຈະຜ່ານທິດທາງແຜນການໃນ 5 ປີຕໍ່ໜ້າ ແລະ ວິໄສທັດໃນ ການພັດທະນາຊາວໜຸ່ມ-ເຍົາ ວະຊົນປີ 2016-2020 ໂດຍ ສະເພາະ ແມ່ນເລັ່ງໃສ່ວຽກ ງານການສຶກສາອົບຮົມການ ເມືອງແນວຄິດໃຫ້ມີປະສິດທິ ຜົນສູງກວ່າເກົ່າ, ປັບປຸງກົງຈັກ ການຈັດຕັ້ງຂອງຄະນະຊາວ ໜຸ່ມໃຫ້ໜັກແໜ້ນ ແລະ ເຂັ້ມ ແຂງ, ດຳເນີນການສຳຫຼວດ ກວດກາສະພາບຄວາມມຸ້ງ ມາດປາດຖະໜາອັນຊອບທຳ ຂອງຊາວໜຸ່ມ-ເຍົາວະຊົນລາວ ບັນດາເຜົ່າ, ຊຸກຍູ້ຂະບວນການ ແຂ່ງຂັນຂອງ ຊາວໜຸ່ມ-ເຍົາວະຊົນໃຫ້ຟົດຟື້ນກວ່າເກົ່າ, ປັບປຸງວຽກງານກວດກາຂອງຄະນະຊາວໜຸ່ມໃຫ້ມີຄວາມເຂັ້ມແຂງ, ສືບຕໍ່ພົວພັນຮ່ວມມືກັບທາງພາຍໃນ ແລະ ຕ່າງປະ ເທດ ໃຫ້ກວ້າງຂວາງ ແລະ ມີປະສິດທິຜົນກວ່າເກົ່າບັນດາ ຄວາມພ້ອມຕ່າງໆທີ່ຈະກ້າວສູ່ ປະຊາຄົມເສດຖະກິດອາຊຽນ ຈາກນັ້ນຜູ້ແທນກອງປະຊຸມຍັງ ຈະໄດ້ຣັບຟັງ ການ ໂອ້ລົມຂອງ ການນຳພັກ-ລັດ, ການສຳຫຼວດ ກວດກາການນຳພາຂອງຄະ ນະບໍລິຫານງານຊາວໜຸ່ມປາຊາຊົນ ປະຕິບັດລາວ ສະໄໝທີ VI ພ້ອມກັນນີ້ ຜູ້ແທນ ສົມບູນ ທີ່ຈະເຂົ້າຮ່ວມກອງປະຊຸມຍັງ ຈະໄດ້ພ້ອມກັນດຳເນີນການ ປ່ອນບັດເລືອກຕັ້ງເອົາຄະນະ ບໍລິຫານງານສູນກາງຊາວໜຸ່ມ ປະຊາຊົນ ປະຕິວັດລາວ ສະໄໝທີ VII.
ຕາງໜ້າໃຫ້ຄະນະບໍລິຫານງານ ສູນກາງຊາວໜຸ່ມຫວັງຢ່າງຍິ່ງວ່າ: ທຸກໆພາກສ່ວນ ໃນສັງຄົມເວົ້າລວມ, ເວົ້າສະ ເພາະແມ່ນບັນດານັກຂ່າວສື່ ມວນຊົນທຸກພາກ ສ່ວນ ຊຶ່ງເປັນ ກະບອກສຽງອັນແຫຼມຄົມຂອງ ຊາດ-ຂອງພັກຈະໄດ້ເອົາໃສ່ ຊ່ວຍເຫຼືອໃນການສືບຕໍ່ອອກ ໂຄສະນາ, ເຜີຍແຜ່ແນວທາງ ຂອງພັກ, ລະບຽບກົດໝາຍ ຂອງລັດ, ມະຕິຕ່າງໆຂອງພັກ, ຂອງຄະນະຊາວໜຸ່ມ ປະຊາ ຊົນ ປະຕິວັດລາວ ແລະ ນຳ ເອົາຜົນສຳເລັດຢ່າງຮອບດ້ານ ບັນດາຜົນງານ, ຂະບວນການ ອັນພົ້ນ ເດັ່ນ ຂອງຊາວໜຸ່ມ-ເຍົາວະຊົນບັນດາເຜົ່າອອກ ໃນພາຫະນະສື່ມວນຊົນຂອງ ຕົນໃຫ້ມີເນື້ອໃນໜັກແໜ້ນ, ທັງເປັນຂະບວນຟົດຟື້ນ, ພ້ອມ ນີ້ກໍຮຽກຮ້ອງມາຍັງທາງອົງ ການຈັດຕັ້ງພັກ-ລັດ, ເອກະ ຊົນທຸກພາກສ່ວນ ແລະ ອົງການຈັດຕັ້ງຊາວໜຸ່ມ ແຕ່ລະ ຂັ້ນຈົ່ງພ້ອມກັນອຸ້ມຊູຍູ້ໜູນ, ເພື່ອເຮັດໃຫ້ກອງປະຊຸມໃຫຍ່ ຄັ້ງນີ້ໄດ້ດຳເນີນ ໄປດ້ວຍຜົນ ສຳເລັດຢ່າງຈົບງາມ. ສະແດງ ຄວາມເຄົາລົບ ແລະ ຮູ້ບຸນຄຸນ ອັນສູງສົ່ງມາຍັງຜູ້ນຳພັກ-ລັດ ຊຶ່ງຍາມໃດກໍໄດ້ສ້າງກາລະໂອ ກາດ, ສ້າງເງື່ອນໄຂ ໃນການ ສຶກສາອົບຮົມຊາວໜຸ່ມ-ເຍົາ ວະຊົນຜູ້ສືບທອດ, ໃຫ້ມີການ ເຕີບໃຫຍ່ຂະຫຍາຍຕົວຢ່າງ ຮອບດ້ານ, ທັງສ້າງຄວາມເຊື່ອ ໝັ້ນ ແລະ ຖືສຳຄັນຕໍ່ອົງການ ຈັດຕັ້ງຊາວ ໜຸ່ມ, ຕໍ່ສະມາຊິກ ຊາວໜຸ່ມ-ເຍົາວະຊົນລາວບັນ ດາເຜົ່າ ໃນການເປັນຜູ້ສືບ ທອດ ທີ່ດີຂອງພັກ, ຊຸກຍູ້ສົ່ງເສີມໃຫ້ ຊາວໜຸ່ມ-ເຍົາວະຊົນລາວບັນ ດາເຜົ່າໃນ ການຄົ້ນຄວ້າຮ່ຳ ຮຽນ ແລະ ການປະກອບສ່ວນ ເຂົ້າໃນການປົກປັກຮັກສາ ແລະ ສ້າງສາພັດທະນາປະເທດ ຊາດ ເພື່ອເຮັດໃຫ້ປະເທດ ຊາດ ມີຄວາມມັ່ງຄັ່ງເຂັ້ມແຂງ, ປະຊາຊົນມີຄວາມຜາສຸກ, ສັງຄົມ ມີຄວາມປອງດອງຍຸຕິທຳ ແລະ ສີວິໄລ.
