ຕາມການເຜີຍແຜ່ຂອງເພຈ EDL LAOS (ໄຟຟ້າລາວ) ໄດ້ແນະນຳ 10 ວິທີປະຢັດໄຟຟ້າງ່າຍໆ ທີ່ສາມາດນຳໄປປະຕິບັດໄດ້ໃນທຸກຄົວເຮືອນ ເພື່ອຊ່ວຍຫຼຸດການໃຊ້ພະລັງງານ ແລະ ປະຢັດຄ່າໄຟ
10 ວິທີປະຢັດໄຟທີ່ຄວນຮູ້
1. ຕັ້ງແອທີ່ 26-27 ອົງສາ
ຫຼີກລ້ຽງການຕັ້ງອຸນຫະພູມຕ່ຳເກີນໄປ ແລະ ເປີດພັດລົມຊ່ວຍ ເພື່ອຫຼຸດພາລະການເຮັດວຽກຂອງແອ.
2. ລ້າງແອ 2 ຄັ້ງ/ປີ
ຝຸ່ນສະສົມເຮັດໃຫ້ແອເຮັດວຽກໜັກ. ຄວນລ້າງແອເປັນປະຈຳ ແລະ ວາງຄອມເພຣສເຊີໃນບ່ອນອາກາດຖ່າຍເທ
3. ຢ່າໃສ່ຂອງໃນຕູ້ເຢັນແໜ້ນເກີນໄປ
ຈັດລຽງອາຫານໃຫ້ມີຊ່ອງຫ່າງ ແລະ ນຳອາຫານເກົ່າ ຫຼື ໝົດອາຍຸອອກ
4. ເວັ້ນຕູ້ເຢັນຈາກຝາ 15-20 ຊມ.
ຊ່ວຍໃຫ້ຕູ້ເຢັນລະບາຍຄວາມຮ້ອນໄດ້ດີ ແລະ ຫຼຸດພາລະການເຮັດວຽກຂອງມໍເຕີ
5. ກວດຢາງຂອບຕູ້ເຢັນ
ລອງໃຊ້ເຈ້ຍສອດທີ່ຂອບປະຕູ. ຖ້າດຶງອອກງ່າຍ ອາດເປັນສັນຍານວ່າຢາງຂອບປະຕູເສື່ອມ ແລະ ຄວາມເຢັນອາດຮົ່ວໄຫຼ
6. ລະວັງອຸປະກອນທີ່ໃຫ້ຄວາມຮ້ອນ
ເຊັ່ນ ເຕົາລີດ ແລະ ເຄື່ອງເຮັດນ້ຳອຸ່ນ ຄວນໃຊ້ເທົ່າທີ່ຈຳເປັນ
7. ລວມເສື້ອຜ້າແລ້ວຈຶ່ງລີດ
ບໍ່ຄວນເປີດເຕົາລີດເທື່ອລະຊຸດ. ລວມເສື້ອຜ້າແລ້ວລີດພ້ອມກັນ ຈະຊ່ວຍຫຼຸດການໃຊ້ໄຟ
8. ໃຊ້ເຄື່ອງເຮັດນ້ຳອຸ່ນຢ່າງປະຢັດ
ຕັ້ງອຸນຫະພູມໃຫ້ພໍດີ ແລະ ປິດເຄື່ອງ-ປິດສະວິດທຸກຄັ້ງເມື່ອບໍ່ໃຊ້
9. ປ່ຽນຫຼອດໄຟເປັນ LED
LED ໃຊ້ພະລັງງານຕ່ຳ ແລະ ເໝາະສຳລັບການໃຊ້ງານໄລຍະຍາວ
10. ປິດໄຟ ແລະ ຖອດປັກສຽບເມື່ອບໍ່ໃຊ້
ອຸປະກອນໃດທີ່ບໍ່ໃຊ້ ຄວນປິດ ແລະ ຖອດປັກສຽບ ເພື່ອຫຼຸດການໃຊ້ໄຟໂດຍບໍ່ຈຳເປັນ.
ປະຢັດໄຟ = ປະຢັດເງິນ
ການປະຢັດໄຟເລີ່ມໄດ້ຈາກພຶດຕິກຳງ່າຍໆ ໃນແຕ່ລະມື້. ຖ້າທຸກຄົວເຮືອນຮ່ວມມືກັນໃຊ້ໄຟຢ່າງຮູ້ຄຸນຄ່າ ກໍຈະຊ່ວຍຫຼຸດຄ່າໃຊ້ຈ່າຍ ແລະ ຊ່ວຍໃຫ້ການໃຊ້ພະລັງງານຂອງຊາດເກີດປະໂຫຍດສູງສຸດ
ທີ່ມາ: EDL LAOS (ໄຟຟ້າລາວ)
